ბაჩო დოლიძე - მინდა მზა პროდუქტით მისვლა და არა სურათები გადაგვიღონ, რომ ვიღაცამ თქვას: თურმე “ოცნებას“ სამუშაო გარემო შეუქმნია - მოლაპარაკების მაგიდას მოვუსხდებით, როდესაც კონკრეტულ დოკუმენტს წარვადგენთ

“ქართულმა ოცნებამ” არა მარტო მსგავსი რიტორიკა, ასევე მოქმედებები თუ გააგრძელა, არ გამოვრიცხავ, რომ ვიზალიბერალიზაციას და თავისუფალ ვაჭრობას პრობლემა შეექმნას და ესეც მოგვიხსნან , - ამის შესახებ “ერთიანი ნაციონალური მოძრაობის” წევრმა, ბაჩო დოლიძემ “პალიტრანიუსის” გადაცემა “რეზიუმეში” განაცხადა.

მისი თქმით, “ქართული ოცნება” ევროკომისიის მიერ წარმოდგენილი პუნქტებიდან მხოლოდ ერთზე, - დეპოლარიზაციაზე საუბრობს და ასეთ შემთხვევაში, ევროკავშირის კანდიდატის სტატუსი შესაძლოა, თაროზე იქნას შემოდებული.

“ქართულმა ოცნებამ” არა მარტო მსგავსი რიტორიკა, ასევე მოქმედებები თუ გააგრძელა, არ გამოვრიცხავ, რომ ვიზალიბერალიზაციას და თავისუფალ ვაჭრობას, რომელიც ევროკავშირთან გვაქვს გაფორმებული, პრობლემა შეექმნას და ესეც მოგვიხსნან. დანარჩენ 11 პუნქტზე საუბარი საერთოდ არ არის, “ქართული ოცნება” მხოლოდ და მხოლოდ ამოფარებულია დეპოლარიზაციას, ისიც ძალიან არასწორად ესმის. თუ არ შეასრულე 12-ვე პუნქტი, დაგრჩება ეს სტატუსი თაროზე შემოდებული. “ქართული ოცნება” ყველაფერს გააკეთებს იმისთვის, რომ იმიტაცია შექმნას”, - განაცხადა ბაჩო დოლიძემ.

რაც შეეხება ევროკომისიის 12 პუნქტზე ხელისუფლებასთან ერთად მუშაობის საკითხს, როგორც ოპოზიციონერმა პოლიტიკოსმა აღნიშნა, “ქართულ ოცნებასთან” მოლაპარაკების მაგიდას “ერთიანი ნაციონალური მოძრაობა” მიუჯდება მაშინ, როდესაც ხელში კონკრეტული დოკუმენტები ექნებათ.

“ჩვენ ვამზადებთ კონკრეტულ კანონპროექტებს, რომლითაც მივალთ, დავჯდებით და ყველას დავპატიჟებთ იმისთვის, რომ განხილულ იქნას ეს ყველაფერი. მე მინდა მზა პროდუქტით მისვლა და არა 5 წუთის დახატვა, სურათები გადაგვიღონ და მერე ვიღაცამ თქვას, “თურმე სამუშაო გარემო შეუქმნია “ქართულ ოცნებას.” ჩვენ ამ ფარსში მონაწილეობას არ მივიღებდით. მოლაპარაკების მაგიდას მოვუსხდებით, როდესაც კონკრეტულ დოკუმენტს წარვადგენთ, რაზეც მუშაობა შეიძლება “, - აღნიშნა დოლიძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა