პაატა მანჯგალაძე - დღეს მიხეილ სააკაშვილს მოვინახულებ, თუმცა ეს არ ნიშნავს, რომ მიხეილ სააკაშვილის ფან-კლუბად გადაიქცა „სტრატეგია აღმაშენებელი“

დღეს მიხეილ სააკაშვილს მოვინახულებ. ეს არ ნიშნავს, რომ მიხეილ სააკაშვილის ფან-კლუბად გადაიქცა „სტრატეგია აღმაშენებელი“ - ჰუმანიტარული მიზნებისთვის ვაპირებ მის მონახულებას და ამას არაფერი აქვს პოლიტიკასთან საერთო,- ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ განაცხადა.

მისი თქმით, მესამე პრეზიდენტის მოსანახულებლად „ვივამედში“ პირველიდან სამ საათამდე მივა.

„მიუხედავად რადიკალური განსხვავებებისა, ბევრ საკითხზე ჩვენსა და „ნაციონალურ მოძრაობას“ შორის, ჩვენ არ გვერიდება, რომ მესამე პრეზიდენტის საკითხი საერთაშორისო შეხვედრებზე დავაყენოთ, ადამიანი ციხეში არ უნდა გარდაიცვალოს. ეს არის ჰუმანიტარული საკითხი. როგორც გვეუბნებიან მისი მდგომარეობა მძიმეა და მინდა პირადად ვესაუბრო ამ საკითხზე, მას როგორ წარმოუდგენია მისი უცხოეთში გადაყვანა და რა შეგვიძლია გავაკეთოთ ჩვენ ამისთვის,“ - განაცხადა მანჯგალაძემ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა