გია ვოლსკი - ივანიშვილზე ზეწოლა, რომ მან გავლენა მოახდინოს პოლიტიკურ მმართველობაზე და გადაწყვიტოს ისეთი ნაბიჯების გადადგმა, რაც ჩვენს ოპოზიციას ესიამოვნებოდა - ეს არის ფორმულა, რომელიც შემოგვთავაზეს

ბიძინა ივანიშვილზე ზეწოლა, რომ მან გავლენა მოახდინოს პოლიტიკურ მმართველობაზე და გადაწყვიტოს ისეთი ნაბიჯების გადადგმა, რაც ჩვენს რადიკალურ ოპოზიციას ესიამოვნებოდა - ეს არის ფორმულა, რომელიც შემოგვთავაზეს და არ შეესაბამება იმ რეალობას, რაც საქართველოში არსებობს,- ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა.

ვოლსკი ირაკლი ღარიბაშვილის განცხადებას გამოეხმაურა და აღნიშნა, რომ იქ საუბარია არა ივანიშვილის პოლიტიკაში დაბრუნებაზე, არამედ სახელმწიფოს გვერდით დგომაზე, რასაც ივანიშვილი 2004 წლიდან აკეთებს.

"ბიძინა ივანიშვილი მართვაში არ იღებს მონაწილეობას, ამის აუცილებლობაც არ არსებობს არც ახლა, არც მომავალში და ხელისუფლებას აქვს საკმარისი რესურსები რათა ქვეყანაში შეინარჩუნოს სტაბილურობა, ეკონომიკური ზრდა და არ დაუშვას ცეცხლის ალის გადმოტანა, რომელიც სამწუხაროს, ჩვენს რეგიონში ბობოქრობს ბოლო პერიოდში",- განაცხადა ვოლსკიმ.

მისივე თქმით, ივანიშვილის მიმართ სანქციების დაწესება ოპოზიციის სტრატეგიაა.

"ჩემი ხედვით, ივანიშვილის მიმართ და არა მარტო მის მიმართ, საქართველოს მიმართ სანქციების შემოტანა და უარყოფითი დამოკიდებულების გამოვლენა დასავლელი პარტნიორების მხრიდან, ეს იყო, არის და იქნება ის სტრატეგია, რომელიც „ნაცმოძრაობას“ გააჩნია, რომელსაც მმართველობაში ევროპული სტანდარტის არც ერთი ნიშანი არ ჰქონდა. მათ ივანიშვილი წარმოუდგენიათ როგორც მთავარი წინააღმდეგობა მათსა და ხელისუფლებას შორის და ყველანაირი ხერხით იქნება გაგრძელებული მის წინააღმდეგ ბრძოლა, მათ შორის, დეზინფორმაციის, ფეიკნიუსების გავრცელების, ლობისტების მოზიდვის საშუალებით. ივანიშვილის მიმართ სანქციების დაწესება მოსალოდნელი არ არის, რადგან ნებისმიერი ანალიზი გვაჩვენებს, რომ არათუ ის ამას არ იმსახურებს, არამედ ეს სერიოზული დარტყმა იქნება იმ პროექტებზე, რომელიც, ჩვენ, საზოგადოებას სჭირდება. ადამიანი, რომელიც არ ერევა პოლიტიკაში არ შეიძლება ამ მეთოდით იქნას შემოყვანილი პოლიტიკურ ასპარეზზე. საკმაო რესურსი გააჩნია მთავრობას, რომ სიტუაცია მართოს,"- განაცხადა ვოლსკიმ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის