გია ვოლსკი - საფუძვლიანი შეგრძნება არსებობს, რომ ევროპარლამენტის რეზოლუციით რევოლუციური პროცესის გარდაუვალობის განცდა უნდა გაეძლიერებინათ, მაგრამ ეს არ გამოუვიდათ

საფუძვლიანი შეგრძნება არსებობს, რომ ამ რეზოლუციით რევოლუციური პროცესის გარდაუვალობის განცდა უნდა გაეძლიერებინათ, მაგრამ ეს არ გამოუვიდათ, - ამის შესახებ პარლამენტის პირველმა ვიცე- სპიკერმა გია ვოლსკიმ ევროპარლამენტის რეზოლუციასთან დაკავშირებით განაცხადა.

ვოლსკიმ აღნიშნა, რომ ის ევროპარლამენტარ ანდრიუს კუბილიუსის და მისი თანამოაზრეების ძალისხმევით იქნა მიღებული და ამ რეზოლუციამ დეპოლარიზაცია და კონფრონტაცია უფრო გააძლიერა.

„მინდა მადლობა ვუთხრა იმ 218 ევროპარლამენტარს, რომელმაც მხარი არ დაუჭირა იმ მავნებლურ რეზოლუციას, რომელიც კუბილიუსის და მისი თანამოაზრეების ძალისხმევით იქნა მიღებული. ამან კონფრონტაციის პლატფორმა შექმნა და ხელი შეიწყო არათუ დეპოლარიზაციას, პირიქით, დაპირისპირების პროცესების განვითარებას, მაგრამ საფუძვლიანი შეგრძნება არსებობს, რომ ამ რეზოლუციით რევოლუციური პროცესის გარდაუვალობის განცდა უნდა გაეძლიერებინათ, მაგრამ ეს არ გამოუვიდათ. ახლა რასაკვირველია, კუბილიუსი განცხადებებს აკეთებს და ისიც ვერ დაიხევს უკან, რადგან წითელი ხაზი უკვე გადაკვეთა მანაც და ბევრმა სხვამაც, ვისაც საქართველოსთვის არანაირი სიკეთე არ უნდა. ტექნიკური მთავრობა არის ისეთი მითი, რასაც არათუ რაიმე წარმატება შეიძლება ჰქონდეს საქართველოსთვის, არამედ შეიძლება გააგრძელოს ის გზა, რასაც ჰქვია დესტაბილიზაციის მცდელობა. ეს არ და ვერ შედგება, რადგან საზოგადოების უდიდესი ნაწილისთვის, 85 პროცენტზე მეტისთვის ევროინტეგრაცია არის საგანგებოდ მნიშვნელოვანი, რასაც ვერანაირად ვერ მოუხდება დესტაბილიზაციის პროცესი, რითაც გვემუქრებიან ტექნიკური მთავრობის იდეის მატარებელი ადამიანები", - განაცხადა ვოლსკიმ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს