იაგო ხვიჩია - სასამართლოსთან დაკავშირებულ პუნქტს, "ოცნება" ტექნიკურად შეასრულებს, კანონში ცვლილებებს შეიტანს და იტყვის, რომ ახლა უკვე ევროპული სასამართლო გვაქვს

სასამართლოსთან დაკავშირებულ პუნქტს, ჩემი აზრით, "ქართული ოცნება" ტექნიკურად შეასრულებს, კანონში ცვლილებებს შეიტანს და იტყვის, რომ ახლა უკვე ევროპული სასამართლო გვაქვს - იმისთვის, რომ მართლა რამე ეშველოს სასამართლოს ამ ქვეყანაში, სულ სხვა რამეა გასაკეთებელი, მაგრამ ზედმეტს ნუ მოვთხოვთ ამ პროცესს, - ამის შესახებ "გირჩის" დეპუტატმა იაგო ხვიჩიამ ჟურნალისტებთან განაცხადა.

მისი თქმით, სასამართლო რეფორმას რეალურად 6 თვე არ ეყოფა, ამიტომ ახლა მოთხოვნები ისე უნდა შესრულდეს, რომ ევროპელებისთვის გასაგები იყოს, რომ შესრულდა. ხვიჩია მიიჩნევს, რომ ამას დასავლელი პარტნიორები იმ შემთხვევაში დაიჯერებენ, თუ 12 პუნქტს კონსენსუსით შეასრულებენ.

"მე ვუსმენ ჩვენი სასამართლოს წარმომადგენლებს და ისინი ამბობენ, რომ უკვე დანერგილი აქვთ ევროპული სტანდარტი და ზოგიერთ ევროპულ ქვეყანაზე წინაც კი ვართ და ვფიქრობ, ამ სტანდარტის დაკმაყოფილება პრობლემა არ უნდა იყოს. ამ პუნქტს (სასამართლოზე) ჩემი აზრით, „ქართული ოცნება“ შეასრულებს ტექნიკურად, კანონში ცვლილებებს შეიტანს რაღაცებს გააკეთებს და იტყვის, რომ ჩვენ ახლა უკვე ევროპული სასამართლო გვაქვს, როგორც ეს ჩვენ გვესმის ყველა რეფორმის შემდეგ სასამართლო სისტემაში, მაგრამ იმისთვის, რომ მართლა რამე ეშველოს სასამართლოს ამ ქვეყანაში, ჩემი აზრით, სულ სხვა რამეა საერთოდ გასაკეთებელი. ჩვენ უბრალოდ ზედმეტს ნუ მოვთხოვთ ამ პროცესს, რომ რაც არსებობს, ყველა ჩვენს პრობლემას მოაგვარებს. ოპოზიციიდან ჩემი კოლეგების და ენჯეო სექტორის ხედვებს გაიზიარებს თუ არა "ქართული ოცნება", მნიშვნელობა არ აქვს, ეს მაინც არაფერს შეცვლის. ჩვენი („გირჩის“) ინტერესია, ჩვენი ხედვები გაიზიარონ. თუ არ გაიზიარებენ, საზოგადოებას ვეტყვით, ჩვენი აზრით როგორი უნდა იყოს სასამართლო, მაგრამ აქ სხვა პროცესი მიმდინარეობს, მიმდინარეობს ევროპელების მოთხოვნების შესრულების პროცესი ტექნიკურად, რომელიც ჩემი აზრით, სასამართლო ნაწილში ეფექტური არ იქნება, მაგრამ ამ ნაწილში ბევრსაც ნუ მოვთხოვთ ევროპელებს. სასამართლო ჩვენი გასაკეთებელია და ამას 6 თვე არ ეყოფა. ამას მეტი მუშაობა სჭირდება და ეს უნდა გავითვალისწინოთ, ახლა ისე უნდა შევასრულოთ, რომ იმათთვის გასაგები იყოს, რომ ეს მოთხოვნები შევასრულეთ. თუ ამას კონსენსუსით მივიღებთ, ხელისუფლება და ოპოზიცია ერთად მივალთ ევროპელებთან და ვეტყვით, რომ ეს 12 პუნქტი შევასრულეთ, დაგვიჯერებენ. თუ კონსენსუსი არ იქნება და დეტალური განხილვა წავა - არა,"- განაცხადა ხვიჩიამ.

ის პროცესში მონაწილეობაზე ოპოზიციის უარსაც გამოეხმაურა და აღნიშნა, რომ ოპოზიცია ცდება. "რა მიზანიც არ უნდა ჰქონდეთ, სჯობს, ამ გეგმებზე ამ ტრიბუნიდან ილაპარაკო, რომელიც "ქართულ ოცნებას" ამ საქმისთვის აქვს შექმნილი, ვიდრე დანარჩენი კოლეგები ლანძღო, ცალკე გახვიდე, ოთახში ჩაიკეტო და იმ გეგმებზე ილაპარაკო, რაც შენს გარდა არავის აინტერესებს,"- განაცხადა ხვიჩიამ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით