შალვა პაპუაშვილი - ოპოზიციის ნახევარი საზღვარგარეთაა, არ მგონია, მათ რიგგარეშე სესიის მოწვევის რეალური გეგმა ჰქონდეთ, ერთადერთი ვინც ისვენებს, რადიკალური ოპოზიციაა

რაზეც ისინი საუბრობენ არის უბრალო რადიკალიზაციის სურვილი, ოპოზიციის ნახევარი საზღვარგარეთ არის, ამიტომ არ მგონია, მათ ჰქონდეთ რიგგარეშე სესიის მოწვევის რეალური გეგმა, - ასე აფასებს საქართველოს პარლამენტის თავმჯდომარე შალვა პაპუაშვილი ინფორმაციას, რომლის თანახმად, ოპოზიცია პარლამენტის რიგგარეშე სხდომის მოწვევის მოთხოვნით დღეს პრეზიდენტს მიმართავს.

შალვა პაპუაშვილის შეფასებით, ოპოზიცია უმრავლესობის გარეშე ვერანაირ კანონს ვერ მიიღებს, შესაბამისად, ალტერნატივა გარდა იმისა, რომ სამუშაო პროცესის მონაწილეები იყვნენ არ აქვთ. მისივე თქმით, ერთადერთი ვინც დღეს ისვენებს „რადიკალური ოპოზიციაა“.

„უკვე იმდენი ხანია ამაზე საუბრობენ მალე მოვა შემდეგი სესია და მგონი მორიგ სესიამდე ვერ შეთანხმდებიან იმ მარტივი მიზეზის გამო, რომ დღის წესრიგი არ გააჩნიათ. რაზეც ისინი საუბრობენ არის უბრალო რადიკალიზაციის სურვილი, ოპოზიციის ნახევარი საზღვარგარეთ არის, ამიტომ არ მგონია, მათ ჰქონდეთ რიგგარეშე სესიის მოწვევის რეალური გეგმა. უკვე ინიცირებული პროექტის განხილვა არის არაინკლუზიური, პოლარიზაციის ხელშემწყობი მიდგომა. რაც არ უნდა რიგგარეშე სესიის მოწვევა უნდოდეთ, უმრავლესობის გარეშე ვერანაირ კანონს ვერ მიიღებს ოპოზიცია, შესაბამისად, ალტერნატივა გარდა იმისა, რომ იყვნენ სამუშაო პროცესის მონაწილე არ აქვთ. რიგგარეშე სესიაზე ისე საუბრობენ თითქოს პარლამენტი ისვენებს, ერთადერთი ვინც ისვენებს არის რადიკალური ოპოზიცია, ვხედავთ, რომ ისინი არ მუშაობენ“, - აღნიშნა შალვა პაპუაშვილმა.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 08.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო