იაგო ხვიჩია - ჩემი ხელმოწერა რიგგარეშე სხდომის მოთხოვნაზე არ იქნება - ოპოზიცია, რომელმაც ჯერ თვითონ არ იცის რა უნდა, პარლამენტის სხდომას ითხოვს

ჩემი ხელმოწერა რიგგარეშე სხდომის მოთხოვნაზე დოკუმენტს არ ექნება, მიმაჩნია, რომ ჯერ ოპოზიცია მზად არ არის ასეთი სხდომისთვის,- ამის შესახებ "გირჩის" დეპუტატმა იაგო ხვიჩიამ განაცხადა.

როგორც მან აღნიშნა, სხდომის მოწვევამდე დიალოგი და შეთანხმებაა საჭირო.

"ჯერ ბევრ რამეზეა სამუშაო და ბევრი კონსენსუსია მისაღები იმაზე, თუ რას ვაკეთებთ ამ სხდომაზე. ოპოზიცია, რომელმაც ჯერ თვითონ არ იცის, რა უნდა, არც ის იცის, ხელისუფლებას რა უნდა მოსთხოვოს, ითხოვს პარლამენტის სხდომას, რომელიც პერმანენტულად ტარდება და არ დადის არც ოპოზიცია და არც ხელისუფლება. მეორე არგუმენტი, რატომაც ხელს არ ვაწერ, არის ის, რომ ჩემს გარეშეც შეუძლიათ ეს გააკეთონ. შესაბამისად, წარმატებებს ვუსურვებ ჩემს კოლეგებს, მაგრამ არ მჯერა, რომ ეს არის სწორი მიმართულება. სწორია ჯერ ლაპარაკი, რაღაცაზე შეთანხმება და მერე სხდომაზე ამის გაფორმება. იწვევ სხდომას, როცა არავისთან გილაპარაკია, მათ შორის, არც ოპოზიციასთან, არავისთან გაქვს კარგი ურთიერთობა და კონსენსუსი, საჯაროდ ისიც კი არ გითქვამს, რა გინდა მართლა გულწრფელად და ამ დროს ითხოვ სხდომის მოწვევას, რომელზეც ან „კის“ გეტყვიან ან „არას“ და „კიც“ რომ გითხრან, არ იცი, იქ რა უნდა გააკეთო", - განაცხადა ხვიჩიამ.

კითხვაზე, ოპოზიციონერი კოლეგების მიმართ წყენა ხომ არ ალაპარაკებს მას, ხვიჩია ამბობს, რომ არა.

"მე რამდენი ხანია არ ვბრაზდები ჩემს კოლეგებზე", - აცხადებს იაგო ხვიჩია.

ცნობისათვის, ოპოზიციის ნაწილი "ქართული ოცნების" მიერ ევროკავშირის მოთხოვნების შესასრულებლად ინიცირებულ პროცესში არ მონაწილეობს და რიგგარეშე სხდომის გამართვას ითხოვს, სადაც ის საკითხები უნდა გავიდეს, რომელიც მათი მოსაზრებით, ევროკავშირის მოთხოვნების სწრაფად შესრულებას უზრუნველყოფს.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება