გიორგი ვაშაძე - თუ „ქართული ოცნება“ უარს იტყვის რიგგარეშე სხდომაზე, ეს ქართულ საზოგადოებას და ევროპელ პარტნიორებს კიდევ ერთხელ აჩვენებს, რომ საქმე გვაქვს ოლიგარქიული რეჟიმის მცველთან

უპრეცედენტო ოპოზიციური ერთობით მოვითხოვეთ რიგგარეშე სხდომა, კონკრეტული საკითხებით, რომელიც შედის 12 პუნქტში - ახლა „ქართული ოცნება“ ან ჩააბარებს ტესტს ან მოხდება მისი სრული ლუსტრაცია, - ამის შესახებ განცხადება სტრატეგია აღმაშენებლის" თავმჯდომარე გიორგი ვაშაძემ პარლამენტში გააკეთა.

მისივე თქმით, არ ბრაზდება ოპოზიციური კოლეგების მცირე ჯგუფზე, რომელმაც რიგგარეშე სხდომის მოწვევას ხელი არ მოაწერა.

"თუ "ქართული ოცნება"უარს იტყვის რიგგარეშე სხდომაზე, საკონსტიტუციო ცვლილებებზე, სასამართლო რეფორმაზე, ანტიკორუფციულ ბიუროს დაუყოვნებლივ შექმნაზე, რაც მოთხოვნილია ევროკავშირის მხრიდან, ეს ქართულ საზოგადოებას და ევროპელ პარტნიორებს კიდევ ერთხელ აჩვენებს, რომ ჩვენ გვაქვს ოლიგარქიული რეჟიმის მცველთან საქმე და არა საქმის მკეთებელ ადამიანებთან. უნდათ ცრუ პროცესი შექმნან. ეს სიცრუე რომ დავამთავროთ, არის რიგგარეშე სესიის მოთხოვნაზე ოპოზიციის უპრეცედენტო რაოდენობის დეპუტატთა ხელმოწერა. ჯერი ქართულ ოცნებაზეა, ვიცი რას იზამენ, მაგრამ საზოგადოება ნახავს, როგორ მოხდება კიდევ ერთხელ მათი ლუსტრაცია.

ასეთი ერთობა ოპოზიციას პარლამენტში არც ერთ საკითხზე არ უჩვენებია, რაც შეეხება ორ განმარტოებულ მცირე ჯგუფს ("გირჩი" და "მოქალაქეები" ), რომელმაც გაუგებარი მიზეზების გამო ხელი არ მოაწერეს ამას, მე მათზე ვერ გავბრაზდები, რადგან სამშობლოს სიყვარული და საქმის კეთება გაცილებით დიდია, ვიდრე ოპოზიციურ ჯგუფებზე გაბრაზება", - განაცხადა ვაშაძემ.

ცნობისათვის, ოპოზიციის ნაწილი რიგგარეშე სხდომის გამართვას ითხოვს, სადაც ის საკითხები უნდა გავიდეს, რომელიც მათი მოსაზრებით ევროკავშირის მოთხოვნების სწრაფად შესრულებას უზრუნველყოფს.

რიგგარეშე სხდომის მოთხოვნას არ უერთდება "გირჩი" და "მოქალაქეები".

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის