„დინამო ბათუმის“ ისტორიაში მნიშვნელოვანი ეტაპი დაიწყო. დინამო ბათუმსა და საერთაშორისო კომპანია Lixin Group-ს შორის სასპონსორო ხელშეკრულების შემდეგ, კლუბს კიდევ ერთი საერთაშორისო კომპანია დაასპონსორებს. ამის შესახებ ინფორმაციას აჭარის მთავრობა ავრცელებს.
მათი ცნობით, შეთანხმების თანახმად, საქართველოს ჩემპიონ გუნდს კომპანია CoinW სასპონსორო თანხით 150000 USD უზრუნველყოფს.
„ამასთან, CoinW-ი არის მსოფლიო დონის ინტეგრირებული სავაჭრო პლატფორმა, რომელსაც აქვს 12 სავაჭრო სერვისცენტრი 8 ქვეყანაში.
CoinW-ი ფლობს აშშ-ს MSB ფინანსურ ლიცენზიას, სინგაპურის MAS ლიცენზიას.
სპონსორის მოძიებაში ჩართული იყო თომას სუ, რომელსაც ბათუმის საპატიო პრეზიდენტის წოდება რამდენიმე თვის წინ მიენიჭა”,- ნათქვამია აჭარის მთავრობის მიერ გავრცელებულ ინფორმაციაში.