პაატა მანჯგალაძე - შესაძლებლობის ფანჯარა, რაც უკრაინის ომმა გააჩინა, შეიძლება ნებისმიერ დროს დაიხუროს - უნდა ვიჩქაროთ, 2023 წლის ბოლომდე დასაკარგი დრო არ გვაქვს!

შესაძლებლობის ფანჯარა, რაც უკრაინის თავისუფლებისთვის ბრძოლამ გააჩინა, შეიძლება ნებისმიერ დროს დაიხუროს - უნდა ვიჩქაროთ, 2023 წლის ბოლომდე დასაკარგი დრო არ გვაქვს! - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ განაცხადა.

მანჯგალაძის თქმით, თუ ქვეყანა ევროკავშირის წევრობის კანდიდატის სტატუსის მისაღებად 2023 წელს დაელოდება, ეს გეოპოლიტიკურად ძალიან დიდი შეცდომა შეიძლება აღმოჩნდეს.

„უკრაინის თავისუფლებისთვის ბრძოლიდან გამომდინარე, საქართველოს ევროკავშირში ინტეგრაციის გზაზე შესაძლებლობის ფანჯარა გაჩნდა. ამიტომ არ გვაქვს არც ექვსი თვე და არც ერთი წელი იმისთვის, რომ გადაწყვეტილებას 2023 წლის ბოლომდე ველოდოთ. ზუსტად იმ დღის წესრიგით უნდა ვიმუშაოთ, რადგან როგორც გვითხრეს, როგორც კი მზად ვიქნებით რეკომენდაციებისთვის შესასრულებლად, სტატუსს მაშინვე მოგვანიჭებენ. ამიტომ საქართველომ ამ თარიღთან დაკავშირებით არაფერი არ უნდა შეცვალოს და რეკომენდაციები რაც შეიძლება მალე შევასრულოთ.

იმ რეჟიმში უნდა ვიმუშაოთ, რომ სტატუსი რაც შეიძლება მალე მოგვანიჭონ, რადგან ფანჯარა ნებისმიერ დროს შეიძლება დაიხუროს“, - განაცხადა პაატა მანჯგალაძემ.

ინფორმაციისთვის, ევროკომისიამ საქართველოს სტატუსთან დაკავშირებული საკითხის განხილვა გადადო და პირობების შესრულების ანგარიშს არა მიმდინარე წლის ბოლოს, არამედ 2023 წელს განიხილავს.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა