შალვა პაპუაშვილი - გახსოვთ რომელიმე წელი, თვე, კვირა და დღე, როცა „ნაცმოძრაობას“ რუსეთის და საგარეო ორიენტაციის თემით მოსახლეობის ნერვებზე არ ეთამაშოს? - ქართველი ხალხის ნერვებზე თამაში არის ერთადერთი, რაც ოპოზიციას კარგად გამოსდის

გახსოვთ რომელიმე წელი, თვე, კვირა, დღე, რომ „ნაციონალურ მოძრაობას“ რუსეთის თემით საქართველოს მოსახლეობის ნერვებზე არ ეთამაშოს? - ქართველი ხალხის ნერვებზე თამაში არის ერთადერთი, რაც ქართულ ოპოზიციას კარგად გამოსდის, - ამის შესახებ პარლამენტის თავმჯდომარე შალვა პაპუაშვილმა „პალიტრანიუსის“ გადაცემა „თავისუფალ სტუდიაში“ განაცხადა, რითაც უპასუხა ბრალდებებს იმის შესახებ, რომ „საქართველოს საგარეო ვექტორს საფრთხე ემუქრება“.

პაპუაშვილის თქმით, ეს ასე არ არის და „საზოგადოება ამაში დარწმუნებულია“.

„საფრთხე [საგარეო ორიენტირის შესახებ], რაზეც ოპონენტები საუბრობენ, 2011 წლიდან მოყოლებული გვესმის. გახსოვთ რომელიმე წელი, რომელიმე თვე, კვირა, დღე, რომ „ნაციონალურ მოძრაობას“ რუსეთის თემით საქართველოს მოსახლეობის ნერვებზე არ ეთამაშოს? ესაა, რასაც ისინი 10 წლის განმავლობაში ახერხებენ - თამაშობენ საკუთარი ქვეყნის მოსახლეობის ნერვებზე იმით, რომ გარკვეული კონსპირაციული თეორიები შემოაქვთ, თითქოს, რუსეთის პროექტია, მთლად რუსეთია ხელისუფლებაში და ა.შ. ან როგორ არ იღლებიან ამდენი ტყუილით და მანიპულაციით. ერთადერთი, რასაც ვხედავთ, ეს არის ადამიანის ნერვებზე ყოველწუთიერი, დაუღალავი თამაში. ეს იწვევს საზოგადოებაში ფრუსტრაციას, უიმედობას. ესაა მათი მიზანი - გამოიწვიონ უიმედობა, ფრუსტრაცია, გაღიზიანება, საკუთარი ხელისუფლება შეაზიზღონ საზოგადოებას, რასაც, საბედნიეროდ, ვერ ახერხებენ. ყოველი არჩევნები ამის დასტურია. ისინი აცდენილები არიან ქართველი ხალხის ნებას. ბოლო პროტესტის აგორების მცდელობაშიც ვნახეთ, რომ იმდენად აცდენილები არიან ქართველი ხალხის ნებას, ყოველ ჯერზე ზურგს აქცევს დემონსტრაციულად“, - განაცხადა შალვა პაპუაშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა