მიხეილ ყაველაშვილი - როცა ჩვენი პარტნიორი ქვეყნების ელჩებისგან ვხედავთ ორმაგ სტანდარტს, ეს აზიანებს ჩვენს ურთიერთობას - თითოეული მოქალაქისთვის შეურაცხმყოფელია, როცა შენი ქვეყნის მოსამართლეზე ზეწოლაა

როცა ჩვენი პარტნიორი ქვეყნების ელჩებისგან ვხედავთ ორმაგ სტანდარტს, ეს აზიანებს ჩვენს ურთიერთობას, - ამის შესახებ „ქართული ოცნებიდან" წასულმა დეპუტატმა მიხეილ ყაველაშვილმა ჟურნალისტებთან საქართველოში აშშ-ის ელჩ კელი დეგნანთან დაკავშირებით განაცხადა.

ყაველაშვილი მოსამართლე ლაშა ჩხიკვაძის განცხადებას გამოეხმაურა და აღნიშნა, რომ ფაქტები, რაზეც ლაშა ჩხიკვაძე საუბრობს, სკანდალური და მიუღებელია. მისივე შეფასებით, ანტიდასავლური ქმედებაა აშშ- ის საელჩოს წარმომადგენლის ქმედება, რომელიც მოსამართლეს თავის გადაწყვეტილებაზე კითხვებს უსვამს და „მიუთითებს".

„რატომ გვინდა ევროკავშირში, სწორედ ისეთი სასამართლო გვინდა, რომ არ იყოს ზეწოლა მოსამართლეებზე, ადამიანის უფლებები იყოს დაცული, კანონის უზენაესობა, კონსტიტუცია იყოს დაცული და ამის საწინააღმდეგო ქმედებას, როცა ჩვენი პარტნიორი ქვეყნების ელჩებისგან ვხედავთ ორმაგ სტანდარტს, ეს აზიანებს ჩვენს ურთიერთობას, აუცილებელია ამაზე მკაფიო პასუხები, კარგი იქნება თუ პასუხს გაგვცემს ქალბატონი ელჩი. თითოეული მოქალაქისთვის შეურაცხმყოფელია, როცა შენი ქვეყნის მოსამართლეზე მსგავსი ზეწოლა ხორციელდება.

ეს არის სკანდალური და წარმოუდგენელი ფაქტი, რომ დამოუკიდებელ მოსამართლეს იბარებენ საელჩოში. თითქოს გამოკითხვა ჩაატარა (საელჩოს წარმომადგენელმა) რატომ მიიღო ეს გადაწყვეტილება და მერე პირდაპირ ეუბნება - თქვენ ვეღარ გაემგზავრებით აშშ- ში", - განაცხადა ყაველაშვილმა.

მისივე თქმით, ასევე მიუღებელია, ევროპარლამენტარ გალერის განცხადება.

"თავადაც აღნიშნავს მოსამართლე, რომ გერმანიაში მსგავსი რამ იქნება წარმოუდგენელი სკანდალი, რომ არათუ მოსამართლეს, ნებისმიერ ადვოკატს რომ რჩევა მისცეს, თუ რატომ მიიღო ესა თუ ის გადაწყვეტილება. ეს არის ანტიდასავლური ქმედება, პირდაპირ ვიძახი და ამაზე მაქვს მე წერილში საუბარი, იმ ორმაგ სტანდარტზე, როცა აშშ- ის მიერ ფინანსდება ის არასამთავრობო ორგანიზაციები, რომლებიც გამოვიდნენ და ანტიკონსტიტუციურ განცხადებებს აკეთებენ, პოლიტიკურს, რომ მთავრობა უნდა გადააყენონ და შექმნან ტექნიკური მთავრობა. ამაზე მაინტერესებს პასუხი, რა დამოკიდებულება აქვს, ემიჯნება თუ არა(ელჩი). თავად იძახის, რომ ვინც ამას ახმოვანებს ომზე, ეს არის "ეფესბეს" ნარატივი, სწორედ ამაზე ვსაუბრობ, რომ სწორედ ეკა გიგაური, უკრაინის ხელისუფლება მოგვიწოდებდა ჩავრთულიყავით ომში. ფაქტები მაქვს მოყვანილი. გასეირნება ცხინვალში რას ნიშნავს, გონჩარენკო რას მოგვიწოდებდა?! დანილოვი რას მოგვიწოდებდა?" - განაცხადა ყაველაშვილმა.

კითხვაზე, რატომ არ აქვს უფლება საელჩოს წარმომადგენელს მოსამართლეს რაიმე კითხოს, ყაველაშვილი აცხადებს, რომ მას არ აქვს უფლება კითხვა დაუსვან მოსამართლეს გადაწყვეტილებაზე.

"სწორედ ეს არის ანტიდასავლური ქმედება როცა მოსამართლეს მიუთითებ თავისივე გადაწყვეტილების გამოცხადებაში", - აცხადებს ყაველაშვილი.

მისივე თქმით, ორმაგი სტანდარტია, როცა აშშ-ის ელჩი საუბრობს "ეფესბეს" ნარატივზე და „არ ემიჯნება ლომჯარიას, გიგაურს და უკრაინის ხელისუფლებას".

„ქალბატონი გიგაურის, ლომჯარიას, უკრაინის ხელისუფლების უმაღლესი პირების განცხადებები, გაიხსენეთ როგორი მოთხოვნები იყო, მხდალებს გვიძახდნენ, რომ არ ვერთვებოდით საომარ მდგომარეობაში, რატომ არ გავაგზავნეთ მოხალისეები. ბოკერია გამოდიოდა, პოლიტიკოსები, როგორც არ აგზავნიან ეს მხდალებიო. ერთ კვირაში აშშ- ის პრეზიდენტმა განმარტა, რომ მოხალისეების გაგზავნა ომში ჩართვაა, ომში ჩართვა იყო მათი გაგზავნა“, - განაცხადა ყაველაშვილმა.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს