კოკა კაციტაძე სოსო გოგაშვილის მიმართ შესაძლო ძალადობაზე - ექსპერტიზა მიმდინარეობს, ველოდებით შედეგებს

ექსპერტიზა არის დანიშნული და ველოდებით შედეგებს. როდის დასრულდება არ ვიცით, მიმდინარეობს, - ამის შესახებ სპეციალური საგამოძიებო სამსახურის უფროსმა კოკა კაციტაძემ ჟურნალისტებთან, სუს-ის უფროსის ყოფილი მოადგილის, სოსო გოგაშვილის მიმართ შესაძლო ძალადობის საკითხზე, მისი უწყების მიერ დაწყებული გამოძიებასთან დაკავშირებით განაცხადა.

მისი თქმით, გამოძიების დაწყების საფუძველი ოჯახის მიმართვა გახდა.

„გამოძიება დაიწყო გუშინ, საქართველოს სისხლის სამართლის სამართლის კოდექსის 333- ე მუხლის მესამე ნაწილის ბე ქვეპუნქტით, რაც ნიშნავს სამსახურეობრივი უფლებამოსილების გადამეტებას ძალადობით. გამოძიების დაწყებას საფუძვლად დაედო ჩვენთან შემოსული შეტყობინება, სადაც ოჯახი მიუთითებდა, რომ გოგაშვილის მიმართ განხორციელდა ძალადობრივი ქმედება იქ ჩატარებული ღონისძიების დროს. მიმდინარეობს საგამოძიებო მოქმედებები ამ ეტაპზე. დაინიშნება სასამართლო სამედიცინო ექსპერტიზა და ექსპერტი იმსჯელებს შესაძლო დაზიანებებთან დაკავშირებით,“ - განაცხადა კაციტაძემ.

ცნობისათვის, სპეციალურმა საგამოძიებო სამსახურმა სუს-ის უფროსის ყოფილი მოადგილის იოსებ გოგაშვილის მიმართ განხორციელებული სამსახურებრივი უფლებამოსილების ძალადობით გადამეტების ფაქტზე გამოძიება დაიწყო.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება