ირაკლი კობახიძე პრემიერის წერილზე  - ბიძინა ივანიშვილს არავის დაცვა არ სჭირდება -  ჩვენ გვჭირდება სახელმწიფო მმართველობის სისტემის პრესტიჟის დაცვა

ბიძინა ივანიშვილს არავის დაცვა არ სჭირდება, თვითონ შეუძლია მას. ჩვენ გვჭირდება სახელმწიფო მმართველობის სისტემის პრესტიჟის დაცვა. როდესაც საუბრობენ არაფორმალურ მმართველობაზე, ოლიგარქიულ მმართველობაზე, ამით ზიანს აყენებენ მმართველობის სისტემას, რომელიც საქართველოში მოქმედებს, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებთან განაცხადა, რითაც პრემიერ-მინისტრ ირაკლი ღარიბაშვილის მიერ ევროკომისიის პრეზიდენტ ურსულა ფონ დერ ლაიენის მიმართ გაგზავნილ წერილს გამოეხმაურა.

როგორც კობახიძე განმარტავს, მმართველობის სისტემაზე დარტყმის მიყენების საშუალება არავის უნდა მივცეთ.

“ვფიქრობ, ეს არის ძალიან მნიშვნელოვანი წერილი, რომელიც ევროკომისიის ხელმძღვანელს გაეგზავნა. თქვენ ნახეთ, რომ სპეკულაციებისთვის გამოიყენება, როგორც ევროპარლამენტის რეზოლუცია, ასევე ის ჩანაწერი, რომელიც მოხვდა ევროპარლამენტის შეფასებაში დეოლიგარქიზაციასთან დაკავშირებით. კონკრეტული პოლიტიკური ძალები და მათი ლობისტები ცდილობენ, ეს ჩანაწერი დაუკავშირონ ბიძინა ივანიშვილს. ამ კუთხით ევროკომისიის მხრიდან მნიშვნელოვანია სიცხადის შეტანა. მნიშვნელოვანია, ეს პოზიცია საჯაროდ დაფიქსირდეს იმისთვის, რომ სპეკულაციებისთვის არ დარჩეს სივრცე, ჩანაწერი არ იყოს გამოყენებული დამატებითი პოლარიზაცისთვის. ყველაფერს უნდა მოეფინოს ნათელი, ამ კუთხით, რა თქმა უნდა, მნიშვნელოვანია პრემიერის წერილი, ასევე მნიშვნელოვანი იქნება ურსულა ფონ დერ ლაიენის პასუხი. რეზოლუციას ჩვენთვის ჩალის ფასი აქვს ერთი მარტივი მიზეზის გამო, მიზეზი არის ის, რომ ეს რეზოლუცია უსამართლოა. როდესაც რეზოლუცია საუბრობს, რომ უნდა გათავისუფლდნენ გვარამია და სააკაშვილი და დაისაჯოს ივანიშვილი, ჩალის ფასი ექნება ამ დოკუმენტს.

ბიძინა ივანიშვილს არავის დაცვა არ სჭირდება, თვითონ შეუძლია მას. ჩვენ გვჭირდება სახელმწიფო მმართველობის სისტემის პრესტიჟის დაცვა. როდესაც საუბრობენ არაფორმალურ მმართველობაზე, ოლიგარქიულ მმართველობაზე, ამით ზიანს აყენებენ მმართველობის სისტემას, რომელიც საქართველოში მოქმედებს, ეს არის ჩვენი ღირსების საქმე, პრემიერის ღირსების საქმე, რომ არავის მივცეთ ასეთი დარტყმის მიყენების საშუალება მმართველობის სისტემაზე“,- აღნიშნავს კობახიძე.

ცნობისთვის, საქართველოს პრემიერ-მინისტრი ირაკლი ღარიბაშვილი ევროკომისიის პრეზიდენტ ურსულა ფონ დერ ლაიენს წერილით მიმართავს. პრემიერი ევროკომისიას მოუწოდებს, მკაფიო პოზიცია გამოხატოს ევროპარლამენტის რეზოლუციაში გამოთქმულ „უსაფუძვლო ბრალდებებზე“ და გაემიჯნოს კომისიის შეფასებით დოკუმენტში დეოლიგარქიზაციის შესახებ ჩანაწერის პერსონიფიკაციას. რაც შეეხება კომისიის შეფასებაში დეოლიგარქიზაციის შესახებ ჩანაწერს, პრემიერი ამბობს, რომ ევროპული კომისიის პოზიციის სიცხადე მნიშვნელოვანია იმისათვის, რომ არ დარჩეს სივრცე სპეკულაციებისთვის.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა