გურამ იმნაძე - არ შეიძლება, რომელიმე ქვეყნის კანონი უბრალოდ, მარტივად გადმოვაკოპიროთ

არ შეიძლება რომელიმე ქვეყნის კანონი უბრალოდ, მარტივად გადმოვაკოპიროთ - დანარჩენი 11 პუნქტის ეფექტიანად, სრულყოფილად განხორციელებით, დეოლიგარქიზაციის მიზანიც მიღწევადია, - ამის შესახებ "სოციალური სამართლიანობის ცენტრის" ხელმძღვანელმა, გურამ იმნაძემ პარლამენტის თავმჯდომარესთან შეხვედრის დასრულების შემდეგ განაცხადა.

იმნაძის თქმით, კარგია ის ფაქტი, რომ არსებობს ამბიცია, რეფორმები წლის ბოლომდე განხორციელდეს, თუმცა, ახლა მნიშვნელოვანია აქცენტი ამ რეფორმების შინაარსობრივ მხარეზე გაკეთდეს.

ამასთან როგორც იმნაძე აღნიშნავს, საჭიროა არა მხოლოდ რიტორიკის დონეზე განცხადებები, არამედ კონკრეტული ნაბიჯები ხელისუფლების მხრიდან, რომ უნდობლობის პრობლემა, რაც არსებობს, მოგვარდეს და რეალური შესაძლებლობები შეიქმნას თანამშრომლობის.

"ზოგიერთ საკითხს სამუშაო ჯგუფი ნამდვილად სჭირდება, თუმცა, იმ საკითხებს, რომელზეც რეფორმებია გასატარებელი, სამუშაო ჯგუფები არ სჭირდება. პრობლემა ზოგადად არის ის, რომ არ არსებობს საკმარისი ნდობა როგორც პოლიტიკურ სუბიექტებს შორის, ისე პოლიტიკურ სპექტრს და საზოგადოებას შორის. ამ უნდობლობის დაძლევას არა მხოლოდ რიტორიკა სჭირდება, არამედ ქმედითი, კონკრეტული ნაბიჯები და ალბათ, ამისთვის ყველაზე მეტი სივრცე ხელისუფლებას აქვს, რომ აჩვენოს მზაობა, რომ მართლა აპირებენ რეფორმების გატარებას და ნაბიჯების გადადგმას, რომელიც შეიძლება მმართველი გუნდის ვიწროპარტიულ ინტერესებს არ ემსახურებოდეს, მაგრამ ემსახურება ამ ქვეყნის, თითოეული მოქალაქის და პოლიტიკური სტაბილურობის ინტერესს.

დეოლიგარქიზაციაზე მოვისმინეთ, უკრაინის კანონმდებლობის მაგვარი მექანიზმის შემოტანა. ჩვენი პოზიციით დეოლიგარქიზაციის საკუთხი არის სპეციფიკური საქართველოს კონტექსტისთვის და არ შეიძლება რომელიმე ქვეყნის მაგალითი უბრალოდ, მარტივად გადმოვაკოპიროთ. მნიშვნელოვანია ადგილობრივი პოლიტიკური, ეკონომიკური კონტექსტის შეფასება და ამის მიხედვით გადაწყვეტილების მიღება. ჩვენი პოზიციით დანარჩენი 11 პუნქტის ეფექტიანად სრულყოფილად განხორციელებით დეოლიგარქიზაციის მიზანიც მიღწევადია, რადგან ამით მეტად გაძლიერდებიან ინსტიტუტები და მათზე არაფორმალური გავლენები შემცირდება", - განაცხადა იმნაძემ.

ცნობისათვის, პარლამენტის თავმჯდომარე საკანონმდებლო ორგანოში სამოქალაქო სექტორის წარმომადგენელებს შეხვდა. შეხვედრაზე განსახილველი საკითხი ევროკომისიის რეკომენდაციების შესრულება იყო.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის