ირაკლი კობახიძის განცხადებით, ევროპარლამენტარებთან შეხვედრისას განმარტეს, რას გულისხმობდნენ იმაში, რომ „კარლ ჰარცელმა მხოლოდ ნეგატიური როლი შეასრულა“ საქართველო - ევროკავშირს შორის ურთიერთობაში

პარტია „ქართული ოცნების“ თავმჯდომარის, ირაკლი კობახიძის განცხადებით, ევროპარლამენტარებთან შეხვედრისას მმართველი პარტიის წარმომადგენლებმა დეტალურად ისაუბრეს და განმარტეს, თუ რას გულისხმობდნენ იმაში, რომ კარლ ჰარცელმა მხოლოდ ნეგატიური როლი შეასრულა საქართველოსა და ევროკავშირს შორის განვითარებულ ურთიერთობაში.

როგორც ირაკლი კობახიძემ ჟურნალისტებს განუცხადა, შეხვედრაზე „ქართული ოცნების“ წარმომადგენლებმა გამოთქვეს იმედი, რომ მომავალი ელჩი სხვაგვარად იმოქმედებს.

„ყველა მნიშვნელოვან საკითხს ეხებოდა დღევანდელი შეხვედრა. იყო მოსაზრებების გაცვლა-გამოცვლა. კითხვები დაისვა ჩვენი მხრიდანაც და მათი მხრიდანაც. ელჩის საკითხსაც შევეხეთ. ჩვენ განვმარტეთ რას ვგულისხმობდით იმაში, რომ კარლ ჰარცელმა მხოლოდ ნეგატიური როლი შეასრულა საქართველოსა და ევროკავშირს შორის განვითარებულ ურთიერთობაში. ეს არის ფაქტი და ამაზე შეგვიძლია ჩვენს მეგობრებს დეტალური ინფორმაციაც მივაწოდოთ. საჯაროდ საუბრისგან ჩვენ კვლავაც თავს ვიკავებთ, მაგრამ ევროპარლამენტარებს ჩვენ შეგვიძლია დეტალურად გავუზიაროთ ინფორმაცია, თუ რაში გამოიხატებოდა ეს უარყოფითი როლი, რომელიც ყოფილმა ელჩმა შეასრულა ევროკავშირთან საქართველოს ურთიერთობებში. გამოვთქვით იმედი, რომ მომავალი იმოქმედებს სხვაგვარად“, - განაცხადა კობახიძემ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს