გია ვოლსკი - ინფორმაცია, რომელიც ევროკავშირში მიდიოდა, არ წარმოადგენს რეალობის აღწერას - ათასი არგუმენტი არსებობს, რითაც შემიძლია დავადასტურო, რომ საქართველო არის მოწინავე ევროპული სტანდარტის ქვეყანა, რასაც არ იზიარებს კარლ ჰარცელი

ინფორმაცია, რომელიც ევროსტრუქტურიდან ევროკავშირში მიდიოდა, არ წარმოადგენს იმ რეალობის აღწერას, რომელიც საქართველოში ვითარდება, - ასე პასუხობს პარლამენტის პირველი ვიცე- სპიკერი გია ვოლსკი ჟურნალისტის კითხვას, როგორ შეაფასებს კარლ ჰარცელის საქმიანობას.

მისი თქმით, ქვეყანაზე ჰარცელის შეფასებების საპირისპირო მოსაზრებები გააჩნიათ.

"ათასი არგუმენტი არსებობს იმისა, რითიც შემიძლია დავადასტურო, რომ საქართველო არის მოწინავე ევროპული სტანდარტის ქვეყანა, რასაც არ იზიარებს კარლ ჰარცელი და არაერთხელ გააკეთა ამაზე მინიშნება თავის განცხადებაში. ამ მხრივ, ჩვენც გვექნება რასაკვირველია, ჩვენი საპირისპირო მოსაზრება", - განაცხადა ვოლსკიმ.

ვოლსკი ნედ პრაისის განცხადებებსაც გამოეხმაურა და აღნიშნა, რომ სწორედ "ქართული ოცნების" დამსახურებაა, რომ მოსახლეობის 85 პროცენტი მხარს უჭერს ევროინტეგრაციას და პრაისის განცხადება სამწუხაროა.

„ რომ არა "ქართული ოცნება", არც მოსახლეობის 85 პროცენტი ეყოლებოდა მხარდამჭერი ევროინტეგრაციას, ვინაიდან, ხელისუფლება გადმოვიბარეთ იმ ხელისუფლებისგან, რომელიც რეალურად კლავდა, ართმევდა ღირსებას და ქონებას. არც ერთი ჩვენგანი არ დაუშვებს კურსიდან გადახვევას და სამწუხაროა, რომ ბატონმა პრაისმა ასეთი განცხადება გააკეთა.

რაც შეეხება მოსამართლის თემას, რაზეც ასევე იყო საუბარი, არც ერთი ქვეყანა, არც საქართველო და არც ევროპის ნებისმიერი ქვეყანა, უყურადღებოდ არ დატოვებდა, რომ რომელიმე ქვეყნის ელჩი ან საელჩო უფრო სწორად, მიუთითებდეს მოსამართლეს კონკრეტული გადაწყვეტილების მიღებაზე ან არმიღებაზე. საკითხი ჯერ ისევ ღიაა და შესაბამისი განცხადებები, ვფიქრობ, გაკეთდება", - განაცხადა ვოლსკიმ.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება