ხათუნა სამნიძე - დემოკრატიულ ქვეყანაში პარტიის თავმჯდომარეს ასეთი რეაქცია რომ ჰქონოდა ჟურნალისტის ნებისმიერი შინაარსის შეკითხვაზე, ბოდიშს მოიხდიდა და გადადგებოდა

ნებისმიერ ნორმალურ, დემოკრატიულ ქვეყანაში რომელიმე პარტიის თავმჯდომარეს რომ ასეთი რეაქცია ჰქონოდა ჟურნალისტის ნებისმიერი შინაარსის შეკითხვაზე, აუცილებლად ბოდიშს მოიხდიდა და გადადგებოდა, - ამის შესახებ „რესპუბლიკური პარტიის“ თავმჯდომარე ხათუნა სამნიძემ „პალიტრანიუსის“ გადაცემა „პოლიტიკურ სივრცეში“ განაცხადა.

ხათუნა სამნიძის შეფასებით, ირაკლი კობახიძე ჟურნალისტს აფექტის მდგომარეობაში არ დაპირისპირებია, არამედ ეს იყო დაგეგმილი და გააზრებული მოქმედება.

„ნებისმიერ ნორმალურ დემოკრატიულ ქვეყანაში აფექტის მდგომარეობაში რომელიმე პარტიის თავმჯდომარეს რომ ასეთი რეაქცია ჰქონოდა ჟურნალისტის ნებისმიერი შინაარსის შეკითხვაზე, აუცილებლად ბოდიშს მოიხდიდა და გადადგებოდა. ამის ნაცვლად დღეს ჩვენ ვხედავთ უკვე ნაფიქრ განცხადებას, რომელიც ადასტურებს, რომ არავითარ აფექტის მდგომარეობაში არ იყო. ეს იყო მიზანმიმართული თავდასხმა ჟურნალისტზე, გააზრებული წინასწარ დაგეგმილი. ნახა თუ არა საბაბი, ის დაესხა თავს ჟურნალისტს. ეს არის „ქართული ოცნების“ სახე. ის არის მმართველი პარტიის თავმჯდომარე, ის წარმოადგენს ძალაუფლებას, უმრავლესობა აქვს პარტიას, რომლის თავმჯდომარეც არის ბატონი კობახიძე, ფორმალურად, მაგრამ არ აქვს მნიშვნელობა და ის ამით პირდაპირ ახალისებს თავდასხმას, ძალადობას და ამბობს, რომ ამ ქვეყანაში განსხვავებულ აზრზე ყოველთვის იქნება თავდასხმა.

წარმოუდგენელი იყო ამის ყურება, რამდენჯერმე ვუყურე რომ დამენახა რა შეიძლება, რა კითხვა შეიძლება დაუსვას ჟურნალისტმა, რა შეიძლება მოხდეს, რომ ასეთი ტიპის რეაქცია ჰქონდეს პოლიტიკოსს, რომელსაც აქვს პოლიტიკური მომავლის იმედი, რომელიც დამყარებულია ამომრჩეველზე. მაგრამ ეს იმედი, რა თქმა უნდა, კობახიძეს არ აქვს, მისი იმედი პოლიტიკაში არის მხოლოდ ბიძიან ივანიშვილი ამიტომ, ბიძინა ივანიშვილის დავალებით რაც შეიძლება მეტად უნდა დაძაბოს ვითარება ამ ქვეყანაში, თავს დაესხას განსხვავებულ აზრს, ყველა ჟურნალისტს, ყველა თანამდებობის პირს, ის თავს დაესხა პრეზიდენტსაც მათ შორის იმიტომ, რომ ეს არის „ქართული ოცნების“ სასიცოცხლოდ მნიშვნელოვანი ენერგია, სიძულვილის ენა, თავდასხმა, ზიზღი, დაპირისპირება და პოლარიზაცია, ამით ცოცხლობს „ქართული ოცნება“, - განაცხადა ხათუნა სამნიძემ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს