თინა ხიდაშელი - „ქართული ოცნების“ წარმომადგენლები არავისთან თანაშრომლობენ გარდა იმ ადამიანებისა, რომლებიც კომფორტს უქმნიან და კითხვებს არ უსვამენ

ორგანიზაცია „სამოქალაქო იდეის“ თავმჯდომარის, თინა ხიდაშელის განცხადებით, „ქართული ოცნების“ წარმომადგენლები არავისთან თანაშრომლობენ გარდა იმ ადამიანებისა, „რომლებიც კომფორტს უქმნიან და კითხვებს არ უსვამენ“.

როგორც მან ჟურნალისტებს განუცხადა, ხელისუფლება არ ესწრება შეხვედრას, სადაც სამოქალაქო საზოგადოებამ ევროკომისიის 12 რეკომენდაციის შესრულებისთვის ხედვა უნდა წარადგინოს.

„არც გუშინდელ შეხვედრაზე მოვიდნენ, რომელიც არასამთავრობო ორგანიზაციების შეხვედრა იყო. ეს არ არის მოულოდნელი. მანამდეც გვქონდა კონფერენცია და იქაც არ მოვიდნენ, მიუხედავად იმისა, რომ დაგვიდასტურეს. ბოლო წუთამდე მქონდა არჩილ თალაკვაძის დასტური და შეხვედრაზე მაინც არ მოვიდა. სამწუხაროდ, ისინი არავისთან თანაშრომლობენ გარდა იმ ადამიანებისა, რომლებიც კომფორტს უქმნიან, კითხვებს არ უსვამენ და იმავე ხაზზე არიან.

ეს არის გეგმა, რომელიც სამოქალაქო საზოგადოებამ წარმოადგინა, სადაც გაწერილია ყველა პრიორიტეტი ევროკავშირისკენ 12 ნაბიჯის შესასრულებლად. დღევანდელი შეხვედრის ამოცანა არის იმ გეგმაზე საუბარი, თუ როგორ უნდა მივიდეთ ამ გზაზე სასურველ შედეგამდე. რა თქმა უნდა, ეს ხელისუფლების გარეშე ვერ მოხდება, მაგრამ ყველა მექანიზმი უნდა ჩავრთოთ იმისთვის, რომ ამ პროცესში წარმატებას მივაღწიოთ“,-განაცხადა ხიდაშელმა.

ცნობისთვის, სამოქალაქო საზოგადოება ევროკომისიის 12 რეკომენდაციის შესრულების ხედვას წარადგენს. აღნიშნულ შეხვედრას ოპოზიციური პარტიებისა და დიპლომატიური კორპუსის წარმომადგენლები ესწრებიან.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა