გიგა ბოკერია - ივანიშვილი კობახიძის პირით ეუბნება ამერიკის ელჩს, რომ მან უნდა დაიცვას ის ევროპარლამენტისგან, ანუ პირდაპირ გვეუბნება, რომ საკუთარი ქონების დასაცავად იყენებს ქვეყანას

სხვებს რომ თავი დავანებოთ, ქართველი საზოგადოებისთვის კიდევ ერთი შეურაცხმყოფელად უტიფარი ბოდვა, ან ბოდვის მარგალიტი

მოვისმინეთ, როცა კობახიძის პირით ივანიშვილი ეუბნება ამერიკის ელჩს, რომ მან უნდა დაიცვას ის ევროპარლამენტისგან, - ასე აფასებს „ევროპული საქართველოს“ თავმჯდომარე, გიგა ბოკერია კობახიძის მიერ გაკეთებულ განცხადებას.

როგორც ბოკერია განმარტავს, ბიძინა ივანიშვილი ქვეყანას ეროვნული ინტერესების ღალატით იყენებს.

„რეალურად, ეს როგორც სჩანს, მის ქონებასა და ფინანსურ პრობლემებს უკავშირდება, ანუ კაცი პირდაპირ გვეუბნება, რომ თავისი ქონებისთვის იყენებს ქვეყანას, ჩვენი ეროვნული ინტერესების ღალატით. ეს არის კიდევ ერთი დეტალი კობახიძის დღევანდელ გამოსვლაში, რასაც ყურადღება უნდა მივაქციოთ“, - განაცხადა გიგა ბოკერიამ.

„ქართული ოცნების“ თავმჯდომარის, ირაკლი კობახიძის განცხადებით, „როცა ევროპარლამენტი იღებს რეზოლუციას, სადაც საუბარია, რომ ბიძინა ივანიშვილი, რომელიც ჩვენი პარტიის დამფუძნებელია, უნდა დაისაჯოს, ასეთი რეზოლუცია აღვივებს პოლარიზაციას, როცა ელჩი ამას არ ემიჯნება, ესეც აღვივებს პოლარიზაციას“.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს