გია ვოლსკის განცხადებით, აშშ-ის სახელმწიფო დეპარტამენტის შეფასება იმაზე მეტყველებს, რომ საქართველოში არანაირი ნიშანი არ არის იმისა, რომ სანქციების გვერდის ავლით რამე ხდება
პარლამენტის პირველი ვიცე-სპიკერის გია ვოლსკის განცხადებით, ამერიკის შეერთებული შტატების სახელმწიფო დეპარტამენტის შეფასება იმაზე მეტყველებს, რომ საქართველოში არანაირი ნიშანი არ არის იმისა, რომ სანქციების გვერდის ავლით რამე ხდება.
მისივე თქმით, გლობალური სისტემის კონტროლი არც საქართველოში და არც სხვა ქვეყანაში არ დაუშვებს, რომ ისეთი რამ კეთდებოდეს, რაც რუსეთს საომარი მოქმედებების წარმართვაში გამოადგება.
„არსებობს ენერგეტიკული პრობლემა, რაც არ მოხსნილა. ევროკავშირს გაცილებით დიდი რესურსი აქვს მობილიზებული იმისთვის, რომ ისედაც დამძიმებული ენერგო პრობლემები გადალახოს და რუსეთთან ვაჭრობის მოცულობაც არათუ შემცირდა, არამედ გაიზარდა.
სახელმწიფო დეპარტამენტის ანგარიშში ამ საკითხებზეა საუბარი და ნუ ვკონცეტრირდებით მხოლოდ საქართველოზე, რადგან მსოფლიოში მიდის მძიმე პროცესები და მთლიანად მოხსენება ძალიან საინტერესოა“, - განაცხადა გია ვოლსკიმ.
