ბუბა კიკაბიძემ უკრაინაში მიმდინარე ომს გენოციდი უწოდა

ქართველმა დეპუტატმა, საქართველოს სახალხო არტისტმა ბუბა კიკაბიძემ უკრაინაში მიმდინარე ომს გენოციდი უწოდა. მისიშეფასებით, პუტინი, რომელიც გულშემატკივრობს საბჭოთა კავშირს და სიმპათიით არის განწყობილი სტალინისადმი, როგორც პოლიტიკოსისადმი, საშინელებებს სჩადის უკრაინაში.

„პუტინი, როგორც ჩანს, გულშემატკივრობს და ადვოკატირებას უწევს საბჭოთა კავშირს. ასეთი შთაბეჭდილება მაქვს, რომ მას მოსწონს სტალინი როგორც პოლიტიკოსი, რომელმაც ნახევარი ინტელიგენცია დახვრიტა თავის დროზე. მე მიხეილ სააკაშვილსაც ვკითხე, რატომ არ უყვარს პუტინს უკრაინა. მან მითხრა, რომ 10 წლის წინ რუსეთის ფედერაციაში გაიგო, რომ მოსკოვი უნდა გადაეტანათ კიევის ტერიტორიაზე. მას გაფართოვება სურდა. პუტინი საშინელ რაღაცებს აკეთებს“, - განაცხადა კიკაბიძემ.

მან ამასთან აღნიშნა, რომ ის ყურადღებით ადევნებს თვალს ომის ირგვლივ განვითარებულ მოვლენებს და ის, რაც ხდება უკრაინაში, ფილმებშიც კი არ უნახავს.

„ქალაქები მიწასთან გაასწორეს. არაფერი არ დარჩა, არც ერთი სახლი. კიდევ რას შეიძლება ეწოდოს გენოციდი?! როდესაც აფეთქებენ ბავშვთა სახლებს, საბავშვო ბაღებს, სამშობიარო სახლებს, ენა არ მიბრუნდება პირში“,- განაცხადა კიკაბიძემ.

მან ასევე განაცხადა, რომ ბოლო კონცერტიდან შემოსული თანხა უკრაინისთვის გაიღო.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს