ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი გუდაურში საქართველოს სასაზღვრო პოლიციის კუთვნილი ვერტმფრენის ჩამოვარდნის ფაქტს ეხმაურება და გარდაცვლილთა ოჯახის წევრებსა და ახლობლებს სამძიმარს უცხადებს. ამის შესახებ განცხადებას სახელმწიფო დეპარტამენტის წარმომადგენელი „ტვიტერის“ გვერდზე ავრცელებს.

მისი თქმით, ამერიკის შეერთებული შტატები დგას ქართველი მეგობრების გვერდით. „გულითად სამძიმარს ვუცხადებთ გუდაურში ჩამოვარდნილი საქართველოს სასაზღვრო პოლიციის კუთვნილი ვერტმფრენის ბორტზე მყოფთა ოჯახის წევრებსა და მეგობრებს. ამერიკის შეერთებული შტატები დგას ჩვენი ქართველი მეგობრებისა და პარტნიორების გვერდით საქართველოს საგარეო საქმეთა სამინისტროში“,- განაცხადა ნედ პრაისმა.