ირაკლი კობახიძე - ახალგორის რაიონი რუსეთს სააკაშვილმა ჩააბარა - სააკაშვილის მიერ რუსეთისთვის ჩაბარებული ტერიტორიები 10 წელიწადში უნდა დაგვებრუნებინა, ეს იყო მოლოდინი?

ხელისუფლება ადამიანების უფლებების დასაცავად ყველაფერს აკეთებს, მაგრამ სააკაშვილის გაფუჭებულს ჩვენ ვერ გამოვასწორებთ. სააკაშვილის მიერ რუსეთისთვის ჩაბარებული ტერიტორიები 10 წელიწადში უნდა დაგვებრუნებინა, ეს იყო მოლოდინი? - ასე უპასუხა „ქართული ოცნების“ თავმჯდომარემ, ირაკლი კობახიძემ ჟურნალისტების შეკითხვას ოკუპირებულ ახალგორში მცხოვრები 71 წლის მამაკაცის გარდაცვალებასთან დაკავშირებით.

კობახიძის განცხადებით,ახალგორის რეგიონი რუსეთის ფედერაციას სააკაშვილმა და მისმა ხელისუფლებამ ჩააბარა, რამაც უკიდურესად დაამძიმა როგორც ქვეყნის, ასევე მოსახლეობის მდგომარეობა.

„ახალგორის მუნიციპალიტეტზე სრულად ვრცელდებოდა საქართველოს ხელისუფლების კონტროლი 2008 წლამდე, სამწუხაროდ ეს რაიონი რუსეთის ფედერაციას ჩააბარა სააკაშვილმა და მისმა ხელისუფლებამ, რამაც უკიდურესად დაამძიმა როგორც ქვეყნის, ასევე მოსახლეობის მდგომარეობაც, რომელიც ცხოვრობს ამ რეგიონში. ხელისუფლება ადამიანების უფლებების დასაცავად ყველაფერს აკეთებს, მაგრამ სააკაშვილის გაფუჭებულს ჩვენ ვერ გამოვასწორებთ. სააკაშვილის მიერ რუსეთისთვის ჩაბარებული ტერიტორიები 10 წელიწადში უნდა დაგვებრუნებინა, ეს იყო მოლოდინი?“ - აღნიშნა ირაკლი კობახიძემ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს