ლევან ბეჟაშვილი - მიხეილ სააკაშვილი ყოველთვის დარჩება ქართულ პოლიტიკაში, რადგან ის თანამედროვე ქართული სახელმწიფოს დამფუძნებელია - რა ფორმითაც არ უნდა იყოს,  ყოველთვის იტყვის თავის სიტყვას

მიხეილ სააკაშვილი ყოველთვის დარჩება ქართულ პოლიტიკაში, რადგან ის არის თანამედროვე ქართული სახელმწიფოს დამფუძნებელი და ბუნებრივია, რა ფორმითაც არ უნდა იყოს, ქართულ პოლიტიკაში ყოველთვის იტყვის თავის სიტყვას,- ამის შესახებ "ნაციონალური მოძრაობის" დეპუტატმა ლევან ბეჟაშვილმა განაცხადა, რითაც გამოეხმაურა მიხეილ სააკაშვილის ადვოკატების განცხადებებს, რომ მიხეილ სააკაშვილი ქართული პოლიტიკიდან მიდის.

ბეჟაშვილი აცხადებს, რომ ის მკურნალობის მოტივით უნდა გათავისუფლდეს და დარჩება თუ არა ქართულ პოლიტიკაში ეს ცალკე საკითხია.

ბეჟაშვილი აცხადებს, რომ ამის თაობაზე ჯერ პარტიაში ინფორმაცია არ აქვთ.

"მიხეილ სააკაშვილის ქართულ პოლიტიკაში დარჩენის გადაწყვეტილებასთან დაკავშირებით ის ინფორმაცია, რომელიც ოჯახის წევრების, ადვოკატების მხრიდან ვრცელდება, ბუნებრივია, გასაგებია. ჩვენ ამის შესახებ კონკრეტული ინფორმაცია ჯერჯერობით არ გვაქვს. ჩვენი წარმომადგენელი ლევან ხაბეიშვილი დღეს პრეზიდენტთან შეხვედრაზე იმყოფება და კონკრეტულ ინფორმაციას მივიღებთ. მიხეილ სააკაშვილი ყოველთვის დარჩება ქართულ პოლიტიკაში, რადგან ის არის თანამედროვე ქართული სახელმწიფოს დამფუძნებელი და ბუნებრივია, რა ფორმითაც არ უნდა იყოს, იქ ქართულ პოლიტიკაში ყოველთვის იტყვის თავის სიტყვას. ეს არის ჩემი პოზიცია, ჩვენი პოზიცია.

ის უნდა გათავისუფლდეს და საზღვარგარეთ მკურნალობის საშუალება უნდა მიეცეს, რადგან ამას მოითხოვს საერთაშორისო სტანდარტები, საქართველოს კანონმდებლობა, მათ შორის, "ქართული ოცნების" მიერ დადგენილი წესები და მიღებული კანონები, მის მიმართ განხორციელებული ქმედებები უტოლდება წამებასთან გათანაბრებულ მოქმედებებს და მის ჯანმრთელობას მიადგა უკვე გამოუსწორებელი ზიანი, რომელიც საჭიროებს მუდმივ მკურნალობას, რის საშუალებაც საქართველოს ტერიტორიაზე არ არის და ამ მოტივით უნდა გათავისუფლდეს. ის, რომ მიხეილ სააკაშვილი ქართულ პოლიტიკაში დარჩება თუ მის ინტერესს წარმოადგენს უკრაინული პოლიტიკა და ა.შ. ეს ცალკე, დამატებითი საკითხია. საერთაშორისო სტანდარტები და საქართველოს კანონმდებლობა მოითხოვს, რომ მას მიეცეს საზღვარგარეთ მკურნალობის საშუალება,"- განაცხადა ბეჟაშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა