პაატა  მანჯგალაძე - „ოცნებიდან“ ვითომ გამოყოფილი „კვარტეტის“ მოძრაობის მიზანია „პატრიოტთა ალიანსის“ და ხელმოცარული „ალტ- ინფოს“  ჩანაცვლება - ანტიდასავლურ ფრონტს „ქართული ოცნება“ ცოცხალი ძალით აძლიერებს

„ოცნებიდან“ ვითომ გამოყოფილი „კვარტეტის“ დაფუძნებული მოძრაობის მიზანია „პატრიოტთა ალიანსის“, ხელმოცარული „ალტ- ინფოს“ და „კონსერვატიული მოძრაობის“ ჩანაცვლება - ანტიდასავლურ ფრონტს „ქართული ოცნება“ ცოცხალი ძალით აძლიერებს, - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ განაცხადა.

მანჯგალაძის თქმით, იმ ფონზე, როცა მოსახლეობის 80 პროცენტზე მეტი ევროატლანტიკური ინტეგრაციის მომხრეა, „ქართული ოცნების“ ეს კამპანია ამ რიცხვის შემცირებას და რუსული გავლენის გაძლიერებას ემსახურება.

„ქართული ოცნებიდან“ ვითომ გამოყოფილმა „კვარტეტმა“ (სოზარ სუბარი, დიმიტრი ხუნდაძე, მიხეილ ყაველაშვილი, გურამ მაჭარაშვილი) განაცხადა, რომ საზოგადოების ინფორმირება უნდა მოახდინონ საფრთხეებზე. მინდა საზოგადოებას ვუთხრა, რომ თავად ეს ადამიანები წარმოადგენენ საფრთხეს. განცხადებები, რასაც ისინი აკეთებენ ამერიკის ელჩთან დაკავშირებით და მთლიანად მათი ანტიდასავლური რიტორიკა, ემსახურება საზოგადოებაში ანტიდასავლური განწყობების დათესვას. რატომ უსვამენ კითხვებს აშშ-ის ელჩს, როცა შეუძლიათ იგივე კითხვებით ივანიშვილს მიმართონ?! ამ მოძრაობას აქვს მარტივი მიზანი - მათი მიზანია „პატრიოტთა ალიანსის“, ხელმოცარული „ალტ- ინფოს“ და „კონსერვატიული მოძრაობის“ ჩანაცვლება. ანტიდასავლურ ფრონტს „ქართული ოცნება“ ცოცხალი ძალით აძლიერებს,“ - განაცხადა მანჯგალაძემ.

ცნობისათვის, „ქართული ოცნებიდან“ წასულმა დეპუტატებმა საზოგადოებრივი მოძრაობა -„ხალხის ძალა“ დააფუძნეს. ლიდერები არ გამორიცხავენ, მოძრაობა პოლიტიკურ პარტიად გარდაიქმნას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს