შალვა პაპუაშვილი - უკვე ჩამონათვალიც კი რთულია, იმდენი დეზინფორმაცია გავრცელდა - ერთადერთი მიზეზია საზოგადოებაში მღელვარების გამოწვევა, რომ ხელისუფლება შეიცვალოს

პარლამენტის თავმჯდომარის შალვა პაპუაშვილის განცხადებით, ბოლო პერიოდში საქართველოს რუსეთ-უკრაინის ომში ჩასართავად არაერთი დეზინფორმაცია გავრცელდა.

მან უკრაინის უშიშროების საბჭოს მდივნის ოლექსი დანილოვის განცხადება შეაფასა, რომლის თქმით, „თუ საქართველო აფხაზეთსა და ცხინვალის რეგიონებს საკუთარ ტერიტორიად მიიჩნევს, შეუძლია, საკუთარი მიწები დაიცვას“.

პაპუაშვილის განმარტებით, დეზინფორმაციის გავრცელების ერთადერთი მიზანი არის საქართველოს რეპუტაციის შელახვა, საზოგადოებაში მღელვარების გამოწვევა და საქართველოს კონფლიქტში ჩართვა.

„საზოგადოება დაიღალა ასეთი სახის შეტევებითა და მოწოდებებით საქართველოს მოსახლეობის წინააღმდეგ. სერიოზულად კომენტარის გაკეთებაც კი მიჭირს. ერთი რამ არის ცხადი. ჩვენ არაერთხელ გვითქვამს და ჩვენი საზოგადოებაც იმიტომ უჭერს ხელისუფლებას მხარს, რომ ყველამ დაინახა, ამ კრიზისულ პერიოდში, როდესაც რეგიონი და მთლიანად მსოფლიო ამხელა გამოწვევის წინაშე დგას, რამხელა რისკის წინაშე იდგა და კვლავ დგას საქართველო.

რაც შეეხება მათ შორის რუსეთთან პირდაპირ სამხედრო კონფლიქტში ჩართვას, ყველამ ნახა, რა ძალისხმევა იდებოდა ამაში. დღემდე ჰიბრიდული ომის მთელი შტურმი მიდოდა და მიდის, რაც არის დეზინფორმაციის გავრცელება საქართველოსა და ქართველი ხალხის წინააღმდეგ. უკვე ჩამონათვალიც კი რთულია გააკეთო იმდენი დეზინფორმაცია გავრცელდა.

თავიდან რომ დავიწყოთ, გახსოვთ, თითქოს რძის პროდუქტების გადატანა ხდებოდა, სამხედრო თვითმფრინვების გადაფრენა, სანქციებისგან გვერდის ავლა, გემების შემოსვლა და ა.შ. ეს ყველაფერი საქართველოს წინააღმდეგ ტყუილი აღმოჩნდა. ერთადერთი მიზეზი არის საქართველოს რეპუტაციის შელახვა, საზოგადოებაში მღელვარების გამოწვევა, რამენაირად ხელისუფლების შერყევა იმისთვის, რომ ხელისუფლება შეიცვალოს, იმისთვის, რომ საქართველო სამხედრო კონფლიქტში ჩათრეული აღმოჩნდეს“,-განაცხადა პაპუაშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის