საქართველოს პარლამენტის თავმჯდომარის, შალვა პაპუაშვილის განცხადებით, ქვეყანაში სიღარიბის ზღვარს ქვემოთ მყოფი ადამიანების რაოდენობა შემცირებულია.
როგორც პაპუაშვილმა ჟურნალისტებს განუცხადა, „ქართული ოცნების“ ხელისუფლების პირობებში სიღარიბის ზღვარს ქვემოთ მყოფი ადამიანების რაოდენობა 17.5%-მდე შემცირდა.
„დღეს სიღარიბის ზღვარს ქვემოთ ადამიანების რაოდენობა 17.5% - ია, რაც მინიმალური მონაცემებია და სხვა წლებთან შედარებით დაწეულია. ვიცით, რომ 2020 წელს 19.5%-ი იყო. 2012 წელს, დაახლოებით 30%-ს მიღმა იყო, ანუ „ქართული ოცნების“ ხელისუფლების პირობებში 30%-დან 17.5%-მდე ჩამოვიდა იმ ადამიანთა რაოდენობა, რომელიც იყო სიღარიბის ზღვარს ქვემოთ.
საერთო სურათი არის ასეთი, რომ სიღარიბის ზღვარს ქვემოთ მყოფი ადამიანების რაოდენობა შემცირებულია“,- განაცხადა პაპუაშვილმა.