ირაკლი კობახიძე - დანილოვი არის ჩვენი ოპონენტების ერთ-ერთი რუპორი

დანილოვი არის ჩვენი ოპონენტების ერთ-ერთი რუპორი. ხშირად ვამბობთ, რომ ეს არის ჩვეულებრივ ომის რიტორიკა, - ასე გამოეხმაურა „ქართული ოცნების“ თავმჯდომარე ირაკლი კობახიძე უკრაინის უშიშროების საბჭოს მდივნის, ოლექსი დანილოვის განცხადებას, რომლის თქმით, „თუ საქართველო აფხაზეთსა და ცხინვალის რეგიონებს საკუთარ ტერიტორიად მიიჩნევს, შეუძლია, საკუთარი მიწები დაიცვას“.

როგორც უმრავლესობის ლიდერმა ჟურნალისტებთან საუბარში განაცხადა, ომის რიტორიკა კონკრეტული ადამიანებისგან მოდის და ისინი ხელისუფლების ოპონენტებთან არიან დაკავშირებული.

„დანილოვი არის ჩვენი ოპონენტების ერთ-ერთი რუპორი. ჩვენ ხშირად ვამბობთ, რომ ეს არის ჩვეულებრივ ომის რიტორიკა, რაც კონკრეტული ადამიანების მხრიდან მომდინარეობს, რომლებიც დაკავშირებული არიან ჩვენს ოპონენტებთან. ძალიან მნიშვნელოვანია, რომ ასეთ დროს ადამიანები გაემიჯნონ შესაბამის განცხადებებს. ყველასგან გამიჯვნა მნიშვნელოვანია, თუმცა, ეს ხშირად არ ხდება“, - განაცხადა ირაკლი კობახიძემ.

უკრაინის უშიშროების საბჭოს მდივანმა, ოლექსეი დანილოვმა უკრაინულ მედია24 Канал-თან ინტერვიუში განაცხადა, რომ დღესაც თვლის, რომ თუ საქართველო აფხაზეთსა და ცხინვალის რეგიონს საკუთარ ტერიტორიებად მიიჩნევს, შეუძლია დაიცვას საკუთარი მიწები.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს