მამუკა მდინარაძე - სამწუხაროა, რომ  სახალხო დამცველი ქსენოფობიურ კამპანიას ამართლებს - ვერ გავიგე საიდან მოიტანა სიტყვა „სიყვარული“? ან სიყვარული ვინ სთხოვა ან სიყვარულის დადასტურება, რა სიგიჟეა?

სამწუხაროა, რომ საქართველოს სახალხო დამცველი ქსენოფობიურ კამპანიას ამართლებს,- ამის შესახებ „ქართული ოცნების“ ერთ-ერთმა ლიდერმა მამუკა მდინარაძემ ჟურნალისტებთან სახალხო დამცველის განცხადებაზე საუბრისას განაცხადა, სადაც ნათქვამი იყო, რომ საქართველოს მოქალაქეებს რუსეთის ხელისუფლებისა და მოქალაქეების მიმართ ნეგატიური დამოკიდებულება აქვთ, რაც ბუნებრივია.

როგორც მდინარაძემ აღნიშნავს, ეროვნული ეთნიკური ნიშნით ადამიანის განსხვავება და თავდასხმების მოწოდება სიბნელეა და ქსენოფობია.

„სამწუხაროა, რომ ქვეყნის, საქართველოს სახალხო დამცველი ქსენოფობიურ კამპანიას ამართლებს, მასში ერთვება. წარმოიდგინეთ, სახალხო დამცველი ერთვება ქსენოფობიურ კამპანიაში. ვერ გავიგე საიდან მოიტანა სიტყვა „სიყვარული“? ალბათ, სპეკულაციისთვის სჭირდებოდა. ან სიყვარული ვინ სთხოვა, ან სიყვარულის დადასტურება ვინ თხოვა, რა სიგიჟეა? საუბარია იმაზე, რომ რომელი ქვეყნის წარმომადგენელიც არ უნდა იყოს, რასაც არ უნდა აკეთებდეს მისი ქვეყანა და ხელისუფლება ეროვნული ეთნიკური ნიშნით ადამიანის განსხვავება და თავდასხმების მოწოდება სიბნელეა და ქსენოფობია.

ამასთან, როდესაც ვიღაც პროვოკატორი, არ აქვს მნიშვნელობა რომელი ქვეყნის წარმომადგენელია პროვოკაციაზე მიდის კონკრეტულ კვების ობიექტს დაბალ ქულას უწერს, უნდა მივხვდეთ რომ ის პროვოკატორია. ნაციონალიზმს და ეროვნულობას კი არ აქვს მნიშვნელობა, ვიღაც პროვოკატორია, რომელიც მედლის მეორე მხარეა“,- აღნიშნავს მდინარაძე.

ცნობისთვის, სახალხო დამცველის, ნინო ლომჯარიას განცხადებით, ქსენოფობია, მითუმეტეს აგრესია, თუ ფიზიკური დაპირისპირება განსხვავებული წარმოშობის ადამიანების მიმართ მიუღებელია. ამასთან, დასძენს, რომ უკვირს „რატომ უკვირთ ამ ქვეყანაში, რომ საქართველოს მოქალაქეებს რუსეთის მოქალაქეების მიმართ ნეგატიური განწყობები ჰქონდეთ? ბუნებრივია, რომ შეიძლება სიყვარული არ გამოხატონ“.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს