მამუკა მდინარაძე - სამწუხაროდ, ჩვენ სახალხო დამცველი არ გვყავს, ეს არის „ნაციონალური მოძრაობის“ სახალხოდ დამცველი

სამწუხაროდ, ჩვენ სახალხო დამცველი არ გვყავს. ეს არის „ნაციონალური მოძრაობის“ სახალხოდ დამცველი, - ასე გამოეხმაურა „ქართული ოცნების“ ერთ-ერთი ლიდერი, მამუკა მდინარაძე სახალხო დამცველის, პარტიებისადმი ნინო ლომჯარიას მოწოდებას, რომ ახალი სახალხო დამცველის შერჩევისას დაიცვან ის სტანდარტები, რაც პროცესის გამჭვირვალობას გულისხმობს.

როგორც მდინარაძემ ჟურნალისტებს განუცხადა, 80 დეპუტატი დამოუკიდებლად ვერ აირჩევს სახალხო დამცველს, ამისთვის საჭიროა ოპოზიციასთან კონსენსუსი.

„სამწუხაროდ, ჩვენ სახალხო დამცველი არ გვყავს. ეს არის „ნაციონალური მოძრაობის“ სახალხო დამცველი. საქართველოში, სამწუხაროდ არანაირი სახალხო დამცველი არ არის. ადამიანი, რომელიც მათ („ნაციონალური მოძრაობის“) ქსენოფობიურ კამპანიას ამართლებს, ამით აწარმოებს ქსენოფობიურ კამპანიას, სიტყვებს იგონებს გასამართლებლად.

80 დეპუტატი დამოუკიდებლად ამ გადაწყვეტილებას ვერ მივიღებთ და იმისათვის რომ სახალხო დამცველი ავირჩიოთ ბუნებრივია, კონსენსუსი გვჭირდება ოპოზიციასთან. იმედია, ამ არჩევას კომპრომისის გზით, ოპოზიციის წარმომადგენლებთან ერთად მივაღწევთ",- განაცხადა მდინარაძემ.

ცნობისთვის, სახალხო დამცველი, ნინო ლომჯარია პარტიებს მოუწოდა, რომ ახალი სახალხო დამცველის შერჩევისას დაიცვან ის სტანდარტები, რაც პროცესის გამჭვირვალობას გულისხმობს.

როგორც ლომჯარია განმარტავს, არსებობს საერთაშორისო სტანდარტები, რომელიც სახალხო დამცველის აპარატს, სახელმწიფოს და პარლამენტს ავალდებულებს, რომ გარკვეულ სტანდარტებს და პროცედურებს ექვემდებარებოდეს მომავალი სახალხო დამცველის არჩევა.

ინფორმაციისთვის, მოქმედ სახალხო დამცველს უფლებამოსილების ვადა მიმდინარე წლის დეკემბერში გასდის. სახალხო დამცველის არჩევას კვალიფიციური უმრავლესობა - 90 ხმა სჭირდება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს