ნინო დოლიძე - ცესკო-ს თავმჯდომარის არჩევის წესის შეცვლა ნიშნავს შარლ მიშელის დოკუმენტზე კიდევ ერთხელ უარის თქმას - არაერთხელ გვინახავს ისეთი ცვლილებები, რომელიც მმართველი გუნდისთვის კონკრეტულ პოლიტიკურ კონტექსტს ერგება

ცესკო-ს თავმჯდომარის არჩევის წესის შეცვლა, პირველ რიგში ნიშნავს შარლ მიშელის დოკუმენტზე კიდევ ერთხელ უარის თქმას, იმედი მაქვს ასე არ მოხდება, თუმცა, არაერთხელ გვინახავს მმართველი გუნდის მხრიდან ისეთი ცვლილებები, რომელიც მათთვის არის ხელსაყრელი და კონკრეტულ პოლიტიკურ კონტექსტს ერგება,- ასე აფასებს "სამართლიანი არჩევნების" აღმასრულებელი დირექტორი ნინო დოლიძე იმ ფაქტს, რომ მმართველ გუნდში ცესკო- ს თავმჯდომარის არჩევის წესში ცვლილებებს და ამ მიმართულებით საარჩევნო კანონმდებლობის კიდევ ერთხელ გადახედვას არ გამორიცხავენ.

როგორც ნინო დოლიძე „ინტერპრესნიუსთან“ საუბრისას აღნიშნავს, მუდმივად კანონმდებლობის გადახედვის ნაცვლად, უმჯობესი იქნება მმართველმა გუნდმა ძალისხმევა კონსენსუსის ძიებისკენ მიმართოს.

„ამ ეტაპზე არსებული ცესკო-ს თავმჯდომარის არჩევის წესთან დაკავშირებით ძალიან დიდი ხნის დისკუსიები იყო და მიღწეული იქნა შეთანხმება მრავალპარტიულად შარლ მიშელის შეთანხმების დროს. ძალიან მნიშვნელოვანი იყო ის ფაქტი, რომ კონსენსუსზე დაფუძნებით მოხდა შეთანხმება ისეთ მნიშვნელოვან საკითხზე, რომელიც უკავშირდება ცესკო-ს თავმჯდომარეს და პროფესიული წევრების არჩევას.

ცესკო-ს თავმჯდომარის არჩევის წესის შეცვლა, პირველ რიგში ნიშნავს შარლ მიშელის დოკუმენტზე კიდევ ერთხელ უარის თქმას, იმედი მაქვს, ასე არ მოხდება. თუმცა, ჩვენ, არაერთხელ გვინახავს მმართველი გუნდის მხრიდან ისეთი ცვლილებები, რომელიც მათთვის არის ხელსაყრელი და კონკრეტულ პოლიტიკურ კონტექსტს ერგება. ზოგადად, ძალიან დიდი პრობლემაა კოდექსის და კანონმდებლობის ხშირად ცვლილება. მეორე მხრივ, პრობლემაა ის ფაქტი, რომ მუდმივად ხდება პოლიტიკურ კონტექსტზე მორგება და არ ხდება შორეულ პერსპექტივაზე გათვლა. იმედი მაქვს, რომ ეს ცვლილებები არ განხორციელდება.

დღეს მოქმედი შერჩევის წესი სწორედაც დაფუძნებულია იმაზე, რომ მრავალპარტიული დისკუსია მოჰყვეს პარლამენტში, მცდელობა იყოს შეთანხმების და მოლაპარაკებების, თუ ეს გადაიხედება, შეიცვლება, ან გაუარესდება, ცხადია, არ წაადგება პროცესს, პირიქით დააზიანებს.

ცესკო-ს თავმჯდომარის მიმართ ნდობა გადამწყვეტია არჩევნების მიმართ ნდობისთვის. ცესკო-ს თავმჯდომარე არჩეული უნდა იყოს მრავალპარტიული ფართო კონსენსუსის საფუძველზე, წინააღმდეგ შემთხვევაში, ყოველი არჩევნების შემდეგ კითხვები გაჩნდება.

იმედი მაქვს, იმის გამო, რომ უკმაყოფილოები არიან პრეზიდენტის გადაწყვეტილებაზე, ასეთი ცვლილებები არ მოჰყვება. ამასთან, მარტივი არ არის, რომ პრეზიდენტი ჩამოაშორო ამ პროცესს. მომავალში რაზე შეიძლება იყოს მსჯელობა ამას ვერ ვიტყვი. ნებისმიერი ცვლილება, რაც დაკავშირებულია საარჩევნო ადმინისტრაციის დაკომპლექტებაზე ძალიან ფართო დისკუსიის საგანი უნდა იყოს. თუ რაიმე გადაწყვეტილება იქნება მიღებული გაუმჯობესებისკენ გადადგმული ნაბიჯი უნდა იყოს და არა გაუარესებისკენ.

ნაცვლად მუდმივად კანონმდებლობის გადახედვისა, უმჯობესი იქნება მმართველმა გუნდმა ძალისხმევა მიმართოს კონსენსუსის ძიებისკენ და ისეთი კანდიდატი/ები იქნას მოძიებული, რომელიც იქნება პროფესიონალი, მიუკერძოებელი და ექნება ფართო საზოგადოებრივი მხარდაჭერა და ნდობა “,- აღნიშნავს ნინო დოლიძე.

შეგახსენებთ, მმართველ გუნდში ცესკო- ს თავმჯდომარის არჩევის წესში ცვლილებებს და ამ მიმართულებით საარჩევნო კანონმდებლობის კიდევ ერთხელ გადახედვას არ გამორიცხავენ. როგორც საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა გუშინ ჟურნალისტებთან ცესკო-ს თავმჯდომარის 2/3- ით არჩევის წესთან დაკავშირებით განაცხადა, „ზოგიერთი თავსმოხვეული კანონი მანკიერია“.

ცნობისთვის, მოქმედი კანონმდებლობით, კონკურსის წესით გამოვლენილ, ცესკო- ს თავმჯდომარის და პროფესიული წევრების კანდიდატურებს პრეზიდენტი ასარჩევად პარლამენტს წარუდგენს. პლენარულ სხდომაზე კენჭისყრა თავდაპირველად 2/3 - იანი კვორუმით ტარდება. იმ შემთხვევაში, თუკი ცესკო- ს თავმჯდომარისა და წევრების 2/3- ით არჩევა ვერ ხდება, კენჭი მათ სრული შემადგენლობის უმრავლესობით ეყრება. 2/3- იანი კვირუმით არჩეული ცესკო- ს თავმჯდომარე თანამდებობას 5 წლიანი ვადით იკავებს, ხოლო უბრალო უმრავლესობით დამტკიცებული - 6 თვის ვადით. აღსანიშნავია, რომ ცესკო- ს დაკომპლექტების არსებული მოდელი შარლ მიშელის შეთანხმების ნაწილია.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს