ხატია დეკანოიძის  შეფასებით, „ქართული ოცნება“ მზადაა შეცვალოს ცესკო-ს თავმჯდომარის დანიშვნის წესი, რაც საგანგაშოა

"ნაციონალური მოძრაობის" ერთ-ერთი ლიდერის ხატია დეკანოიძის განცხადებით, "ქართული ოცნების" მმართველობის პერიოდში საქართველოს პროდასავლური კურსი ეჭვქვეშ დადგა.

როგორც მან დღევანდელ ბრიფინგზე განაცხადა, ხელისუფლება კანდიდატის სტატუსის მისაღებად და ევროკომისიის მიერ შემოთავაზებული 12 პუნქტის შესასრულებლად არაფერს აკეთებს.

მისი თქმით, მმართველმა ძალამ აირჩია დახურული ფორმატები და არაფორმალური ჯგუფები.

"ქართული ოცნება" დღემდე უარს ამბობს საკონსტიტუციო ცვლილების მიღებაზე და განსახილველად გამოტანაზე, რაც რეალურად, ასევე არის დიდი უკან დახევა დემოკრატიული პროცესისთვის. სამწუხაროდ, მმართველმა ძალამ ამ ვითარებაში აირჩია სრულიად საპირისპირო, ეს არის დახურული ფორმატები, რეგლამენტის გარეშე, მმართველ ძალაზე მორგებული არაფორმალური ჯგუფები, რომელსაც ასევე თავმჯდომარეობენ ზუსტად მმართველი ძალის წარმომადგენლები, რომელსაც არავითარი სანდოობა არ გააჩნიათ, რომელშიც ვერ ხვდება სამოქალაქო სექტორის დიდი ნაწილი", -განაცხადა დეკანოიძემ.

მისი თქმით, "ქართული ოცნება" 12 პუნქტის შესასრულებლად პროცესში მხოლოდ იმიტაციურ როლს ასრულებს, რასაც უმრავლესობის გუშინდელი განცხადებაც ადასტურებს.

"ეს განცხადება არის საგანგაშო. ისინი მზად არიან შეცვალონ ცესკო-ს თავმჯდომარის დანიშვნის წესი, რომელიც შარლ მიშელის შეთანხმების ნაწილია და მოიცავს თავმჯდომარის ხმებით დანიშვნას. მმართველი ძალის ინტერესშია არა საარჩევნო რეფორმა, როგორც ამას ევროკავშირის რეკომენდაციები გვეუბნება, არამედ არჩევნების ოლიგარქიული სისტემის ძალაუფლების შენარჩუნების ბერკეტად გამოყენება. დღემდე "ქართულმა ოცნებამ" ამ იმიტაციური პროცესის შემდეგ ვერ წარმოუდგინა ქართულ საზოგადოებას კანდიდატის სტატუსის მისაღებად ვერცერთი პროცესი, უფრო მეტიც ჩვენ მხედველობაში გვაქვს ის პროცესი, რომელიც არის დახურული, არასაჯარო და საქართველოს კანონმდებლობის მიღმა",-განაცხადა დეკანოიძემ.

შეგახსენებთ, მმართველ გუნდში ცესკო- ს თავმჯდომარის არჩევის წესში ცვლილებებს და ამ მიმართულებით საარჩევნო კანონმდებლობის კიდევ ერთხელ გადახედვას არ გამორიცხავენ. როგორც საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა გუშინ ჟურნალისტებთან ცესკო-ს თავმჯდომარის 2/3- ით არჩევის წესთან დაკავშირებით განაცხადა, „ზოგიერთი თავსმოხვეული კანონი მანკიერია“.

ცნობისთვის, მოქმედი კანონმდებლობით, კონკურსის წესით გამოვლენილ, ცესკო- ს თავმჯდომარის და პროფესიული წევრების კანდიდატურებს პრეზიდენტი ასარჩევად პარლამენტს წარუდგენს. პლენარულ სხდომაზე კენჭისყრა თავდაპირველად 2/3 - იანი კვორუმით ტარდება. იმ შემთხვევაში, თუკი ცესკო- ს თავმჯდომარისა და წევრების 2/3- ით არჩევა ვერ ხდება, კენჭი მათ სრული შემადგენლობის უმრავლესობით ეყრება. 2/3- იანი კვირუმით არჩეული ცესკო- ს თავმჯდომარე თანამდებობას 5 წლიანი ვადით იკავებს, ხოლო უბრალო უმრავლესობით დამტკიცებული - 6 თვის ვადით. აღსანიშნავია, რომ ცესკო- ს დაკომპლექტების არსებული მოდელი შარლ მიშელის შეთანხმების ნაწილია.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს