ხატია დეკანოიძე - მიხეილ სააკაშვილის ქართული პოლიტიკისგან განცალკევება წარმოუდგენელია

ფრაქცია „ერთიანი ნაციონალური მოძრაობის“ თავმჯდომარის, ხატია დეკანოიძის განცხადებით, საქართველოს ყოფილი პრეზიდენტის, მიხეილ სააკაშვილის ქართული პოლიტიკისგან განცალკევება წარმოუდგენელია.

დეკანოიძის თქმითვე, სააკაშვილის „ნაციონალური მოძრაობისგან“ გამიჯვნის საკითხი მათთან განხილვის თემა არ ყოფილა.

„ვფიქრობ, რომ მიხეილ სააკაშვილის განცალკევება საქართველოსგან და საქართველოს პოლიტიკისგან, უბრალოდ წარმოუდგენელია, რადგან მიხეილ სააკაშვილი ფაქტორია საქართველოს პოლიტიკაში - მისი პიროვნება მისი ისტორიიდან გამომდინარე, მისი აწმყო - ფაქტორია საქართველოს პოლიტიკაში. რაც შეეხება მის ღია მონაწილეობას არჩევნებში და ა.შ. რა თქმა უნდა, ეს მისი პიროვნების, მისი პირადი გადასაწყვეტია და რა თქმა უნდა, ეს არის საქართველოს მოქალაქეების და ამომრჩევლების გადასაწყვეტი, ამიტომ მხოლოდ მისი სოციალური ქსელიდან, სტატუსებიდან და ა.შ. ან რამდენიმე ადვოკატის განცხადებიდან არ ვიმსჯელებდი. წარმოუდგენელია, მიხეილ სააკაშვილის განცალკევება საქართველოსგან. ის არის ფაქტორი, მას აქვს ძალიან დიდი ისტორიული მნიშვნელობა, ის არის საქართველოს მესამე პრეზიდენტი.

ჩვენ, როგორც პარტიას, მის მეგობრებს და ყველა იმ ადამიანს, რომელიც არამხოლოდ პარტიულად ვართ დაკავშირებული მიხეილ სააკაშვილთან, არამედ მასთან ძალიან მნიშვნელოვანი კავშირი გვაქვს წლების განმავლობაში, არავითარი განცხადება პირადი კონტაქტის საფუძველზე არ მოგვისმენია, რომ „ნაციონალური მოძრაობის“ და მიხეილ სააკაშვილის გამიჯვნა ხდება ერთმანეთისგან მისი სურვილის შესაბამისად. ეს არ ყოფილა განხილვის თემა“, - განაცხადა დეკანოიძემ.

მისივე თქმით, არაფერია გასაკვირი იმაში, რომ მიხეილ სააკაშვილს უკრაინაში მიმდინარე პროცესებიც ძალიან აინტერესებს.

„არაბუნებრივი იმაში, რომ მას ახლა უკრაინის მოვლენები ძალიან აინტერესებს, ამ ძალიან მძიმე და უკრაინისთვის უდიდესი გამოწვევის და პრაქტიკულად, რუსეთის ღია აგრესიის ფონზე, რა თქმა უნდა, ამაში არაბუნებრივი არაფერი არ არის“, - განაცხადა დეკანოიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს