მიხეილ დაუშვილი - გასულმა და წლევანდელმა წელმა აჩვენა, რომ საპარლამენტო კონტროლის მექანიზმები ფაქტობრივად არაეფექტურია

საქართველოს პარლამენტში საპროცედურო საკითხთა და წესების კომიტეტის სამუშაო ჯგუფის შეხვედრა გაიმართა, სადაც საპარლამენტო კონტროლის საკითხებზე იმსჯელეს.

როგორც შეხვედრის დასრულების შემდეგ პარტია "საქართველოსთვის" წევრმა, დეპუტატმა მიხეილ დაუშვილმა განაცხადა, მიმდინარეობს მუშაობა იმისთვის, რომ საპარლამენტო ზედამხედველობის და კონტროლის ეფექტიანობა გაიზარდოს.

"განსაკუთრებით გასულმა წელმა და წლევანდელმაც აჩვენა, რომ საპარლამენტო კონტროლის მექანიზმები ფაქტობრივად არაეფექტურია. ეს ეხებოდა სუს-თან დაკავშირებულ სკანდალს, 5 ივლისის მოვლენებს, წელს უკრაინაში ომის შემდგომ პერიოდს და საქართველოსთან დაკავშირებულ რისკებს. ანუ შეიძლება, ითქვას, რომ უამრავი მოვლენა იყო, როდესაც ოპოზიცია ითხოვდა მთავრობაზე ეფექტური კონტროლის განხორციელებას პარლამენტის მხრიდან, თუმცა სამწუხაროდ ეს ეს ეფექტური კონტროლი და ზედამხედველობა ვერ ხორციელდებოდა და დღესაც ვერ ხორციელდება. ჩვენი შეთავაზებები და მოთხოვნები არის სწორედ ის, რომ გაიზარდოს ზედამხედველობის და კონტროლის ეფექტიანობა", - განაცხადა მიხეილ დაუშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს