სალომე ზურაბიშვილი - უკრაინა, გილოცავთ დამოუკიდებლობის დღეს! საქართველო და უკრაინა ახლო, მოძმე ერები არიან, მსგავს ბრძოლაში ჩართულები - ყოველთვის ერთად ვიდგებით
საქართველოს პრეზიდენტი, სალომე ზურაბიშვილი უკრაინას დამოუკიდებლობის დღეს ულოცავს.
„უკრაინა, გილოცავთ დამოუკიდებლობის დღეს! უკრაინელი ერი მსოფლიოს აჩვენებს თავის ღირსეულ ბრძოლას დამოუკიდებლობისა და თავისუფლებისთვის. საქართველო და უკრაინა ახლო, მოძმე ერები არიან, მსგავს ბრძოლაში ჩართულები. ჩვენ ვიცით დამოუკიდებლობის ფასი. ყოველთვის ერთად ვიდგებით. #SlavaUkraini“, - წერს პრეზიდენტი ზურაბიშვილი.
შეგახსენებთ, დღეს უკრაინაში დამოუკიდებლობის 31 წლისთავს აღნიშნავენ.
