პაატა მანჯგალაძე - რა მართალთა სასუფეველი, ან ქალწული?  - სამარცხვინოები ხართ, ლევან ვასაძე, როგორ ახსენებთ მოძალადეების მხარეს ქრისტეს?

"სტრატეგია აღმაშენებლის" გენერალური მდივანი, პაატა მანჯგალაძე პარტია „ერის“ ლიდერის, ლევან ვასაძის მიერ გავრცელებულ სამძიმრის წერილს ეხმიანება, რომელიც ვასაძემ რუს პროპაგანდისტ და იდეოლოგ ალექსანდ დუგინს მიუძღვნა.

"ვისთან ახსენებს ქრისტეს? ან რა მართალთა სასუფეველი? ან რა ქალწული? ვასაძე სამარცხვინო ფარისეველი! უკრაინელი ბავშვების ხოცვა მადლია? წმინდა საქმე ხომ? პუტინი კი მესიის მახვილი? სად ისწავლეთ ეგეთი ქრისტიანობა, ფულის გამო მოძალადეს აცხადებდე ნეტარად.

სინამდვილეში ხომ შენ ძალიან კარგად იცი, რომ ქრისტე ცათა სასუფეველს კი არა სწორედ მაგ მოძლადეებს, მკვლელებს და მკვლელების შენისთანა მეხოტბეებს მოუწყობს ნამდვილ სამსჯავროს იმ უდანაშაულო ქართველი, უკრაინელი, ჩეჩენი და ათასობით წამებული სხვადასხვა ერის შვილების დანთხეული სისხლის გამო.

სამარცხვინოები ხართ! ლევან ვასაძე როგორ ახსენებთ მოძალადეების მხარეს ქრისტეს?!" - აცხადებს პაატა მანჯგალაძე.

შეგახსენებთ, ლევან ვასაძემ ალექსანდრ დუგინს ქალიშვილის, დარია დუგინას გარდაცვალება მიუსამძიმრა.

"დაე, უფალმა სასუფეველი დაუმკვიდროს ქალწულ დარიას", - აცხადებს ვასაძე.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია