„ქართული ოცნება“ სახალხო დამცველის კანდიდატის შერჩევის წესთან დაკავშირებით არასამთავრობო სექტორს ხვდება

სახალხო დამცველის კანდიდატის შერჩევის წესთან დაკავშირებით საპარლამენტო უმრავლესობის წევრები არასამთავრობო სექტორს ხვდებიან.

შეხვედრაში „აღმოსავლეთ პარტნიორობის“ პლატფორმაში შემავალი ორგანიზაციების წარმომადგენლები მონაწილეობენ, უმრავლესობიდან კი მამუკა მდინარაძე და მიხეილ სარჯველაძე არიან წარმოდგენილი.

„ლიბერალური აკადემიის“ ხელმძღვანელის, ლაშა ტუღუშის განცხადებით, პრინციპულად მნიშვნელოვანია სახალხო დამცველის კანდიდატურის შერჩევის მოდელი. მისივე თქმით, პროცესი მაქსიმალურად გამჭვირვალე უნდა იყოს.

„მაქსიმალურად უნდა იყოს უზრუნველყოფილი სამოქალაქო საზოგადოების ჩართულობა. ეს არის მოდელი, რომელმაც მოქმედი სახალხო დამცველის შერჩევის პროცესში კარგად იმუშავა“, - აღნიშნა ლაშა ტუღუშმა შეხვედრის დაწყების წინ.

ორგანიზაცია „დემოკრატიის ინდექსი-საქართველოს“ ხელმძღვანელის ეკატერინე ციმაკურიძის შეფასებით კი, ხელისუფლებამ და ოპოზიციამ ურთიერთშეთანხმებით სახალხო დამცველის პოზიციაზე ყველაზე ობიექტური, მიუკერძოებელი, საქმეში ჩახედული და გამოცდილი ადამიანი უნდა შეარჩიოს.

ამ კონტექსტში მან ხაზგასმით აღნიშნა, რომ ძალიან მნიშვნელოვანია პროცესის მაქსიმალური ჩართულობით წარმართვა.

„ხელისუფლებამ და ოპოზიციამ ყურადღება უნდა მიაქციოს იმას, რა პროცესით შეარჩევს კანდიდატურას არასამთავრობო სექტორი. მაქვს მოლოდინი და ამ კუთხით ვმუშაობთ, რომ პროცესი იყოს ობიექტური. შესათავაზებელი კანდიდატურა მაქსიმალური ჩართულობით უნდა შეირჩეს“, - განაცხადა ციმაკურიძემ.

როგორც ცნობილია, ევროკომისიის ერთ-ერთი რეკომენდაცია სწორედ ახალი სახალხო დამცველის დანიშვნასთან დაკავშირებულ საკითხს ეხება.

რეკომენდაციის თანახმად, ახალი სახალხო ომბუდსმენის წარდგენის პროცესში უპირატესობა უნდა მიენიჭოს დამოუკიდებელ პირს და პროცესი გამჭვირვალედ წარიმართოს, ასევე უზრუნველყოფილი იყოს ოფისის ეფექტური ინსტიტუციური დამოუკიდებლობა.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
არჩილ მორჩილაძე - კარგი იქნება, თუ სახელმწიფო, ჯანმრთელობის ხარისხის საერთაშორისო საზოგადოების ISQua-ს მიერ აკრედიტებული სტანდარტების შესაბამისად განაახლებს დღეს არსებულ სანებართვო პირობებსა და რეგულაციებს
ჰიუნდაი ავტო საქართველოს შეთავაზება ბესტსელერ მოდელებზე გრძელდება
ლიბერთის Mastercard ბარათით გადახდისას, „ზოდიში“ ყველაზე მაღალი ქეშბექი ბრუნდება
საქართველოსა და რეგიონში პირველად, „სელფის“ 5G ქსელი უკვე დეკემბერში იქნება ხელმისაწვდომი
„მისო ევროკრედიტმა“ საინაუგურაციო ობლიგაციები გამოუშვა
ბელგიის სამეფოში საქართველოს ახალგაზრდა ელჩის, ალექსანდრე ქიზიყურაშვილის ინიციატივით მოკლემეტრაჟიანი დოკუმენტური ფილმი გადაიღეს