"ქართული ოცნების" მიერ წარმოდგენილი ინიციატივა ტექსტის დონეზე ძალიან საინტერესოა - მნიშვნელოვანია, დეპუტატებს არჩევანის შესაძლებლობა ექნებათ მხოლოდ კომისიის მიერ შერჩეული კანდიდატებიდან თუ ისეთივე დიდი შესაძლებლობები დარჩება ომბუდსმენის კანდიდატის წარსადგენად, როგორიც დღეს არსებობს,- ამის შესახებ პარლამენტის უფრაქციო დეპუტატმა თამარ კორძაიამ ჟურნალისტებთან განაცხადა.
ამასთან, დეპუტატს აქვს მოლოდინი, რომ "ქართულ ოცნებას" ინტერესი ექნება მის მიმართ ლოიალური კანდიდატი იქნას შერჩეული.
"ვიდრე უშუალოდ კანონპროექტს არ ვნახავთ, რომელშიც გაწერილი იქნება ის წესები რაც შემოგვთავაზეს, ვერც დადებითად შევაფასებთ და ვერც უარყოფითად. ძალიან მნიშვნელოვანია, პარლამენტის წევრებს არჩევანის შესაძლებლობა ექნებათ მხოლოდ კომისიის მიერ შერჩეული კანდიდატებიდან თუ ზოგადად, ისეთივე დიდი შესაძლებლობები დარჩება კანდიდატის წარსადგენად, როგორიც დღეს არსებობს. ამიტომ ვიდრე უშუალოდ კანონპროექტს არ ვნახავთ, უფრო კონკრეტული კომენტარის გაკეთება არ შემიძლია. თუ გავიხსენებთ უახლოეს წარსულს, "ქართულ ოცნებას" ექნება ინტერესი მის მიმართ ლოალური კანდიდატი იქნას შერჩეული, თუმცა, მთელი ამ პროცესის არსი არის ის, რომ ეს შესაძლებლობა არ დარჩეს მას",- განაცხადა კორძაიამ.