ყაზახეთის პრეზიდენტმა ქვეყანაში ვადამდელი საპრეზიდენტო და საპარლამენტო არჩევნების ჩატარების შესახებ განაცხადა

ყაზახეთის პრეზიდენტის, ყასიმ-ჟომართ თოყაევის განცხადებით, ქვეყანაში ვადამდელი საპრეზიდენტო არჩევნები 2022 წლის შემოდგომაზე გაიმართება, საპარლამენტო არჩევნები კი - 2023 წლის პირველ ნახევარში.

„ამ შემოდგომაზე ვადამდელი საპრეზიდენტო არჩევნების ჩატარებას გთავაზობთ", - განაცხადა თოყაევმა.

მან საზოგადოებას ქვეყნის პარლამენტის ქვედა პალატისა და ადგილობრივი წარმომადგენლობითი ორგანოების რიგგარეშე არჩევნების მომავალი წლის პირველ ნახევარში ჩატარება შესთავაზა. გარდა ამისა, თოყაევი საჭიროდ მიიჩნევს საპრეზიდენტო ვადის ხუთიდან შვიდ წლამდე გაზრდას. თოყაევმა ასევე განაცხადა, რომ 2023 წლის შუა რიცხვებში ყაზახეთში მოხდება ყველა სახელმწიფო ორგანოს პოლიტიკური ცვლილება.

შეგახსენებთ, 2019 წელს ყაზახეთის მაშინდელმა პრეზიდენტმა, ნურსულთან ნაზარბაევმა თანამდებობა დატოვა. მეორე დღეს კი ყაზახეთის პარლამენტის ზედა პალატის ყოფილმა ხელმძღვანელმა, ყასიმ-ჟომართ თოყაევმა ფიცი დადო და ქვეყნის პრეზიდენტის თანამდებობა დაიკავა. ყაზახეთში 2019 წლის 9 ივნისს ვადამდელი საპრეზიდენტო არჩევნები გაიმართა, რომელშიც თოყაევმა არჩევნებში მონაწილეთა ხმების 70.96% მოიპოვა და გაიმარჯვა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე