მოხარული ვარ თბილისში ყოფნით, რუსული აგრესიის დამარცხების გზების განსახილველად, - ამის შესახებ ევროპარლამენტარიანა ფოტიგა სოციალურ ქსელში წერს.

ანა ფოტიგამ პოლონეთის გარდაცვლილი პრეზიდენტის, ლეხ კაჩინსკის მემორიალი ყვავილებით შეამკო.

„მოხარული ვარ თბილისში ყოფნით, რუსული აგრესიის დამარცხების გზების განსახილველად. უკრაინის გამარჯვება სასიცოცხლოდ მნიშვნელოვანია არა მხოლოდ უკრაინისთვის, არამედ პოლონეთისთვის, საქართველოსთვის და მთელი თავისუფალი სამყაროსთვის. საქართველოში ყოველ ვიზიტს ვიწყებ პოლონეთის გარდაცვლილი პრეზიდენტის, საქართველოს დიდი მეგობრის პატივის მიგებით, რომელსაც ძალიან კარგად ესმოდა რუსული საფრთხეები“, - წერს ანა ფოტიგა.