მიხეილ სარჯველაძე - ანომალიური მოვლენაა, როცა ოპოზიცია უმნიშვნელოვანესი საკითხების განხილვაში მონაწილეობას არ იღებს - თუ ალტერნატიული კანონპროექტები იქნება, განვიხილავთ

ანომალიური მოვლენაა, როცა ოპოზიცია ქვეყნისთვის უმნიშვნელოვანესი საკითხების განხილვაში მონაწილეობას არ იღებს - თუ იქნება წარმოდგენილი ალტერნატიული კანონპროექტები, განვიხილავთ,- ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.

მისი თქმით, ოპოზიციას შეეძლო თავის თუნდაც, კრიტიკული მოსაზრებები სამუშაო პროცესში წარმოედგინა, თუმცა, გაუგებარი მიზეზის გამო, პროცესს, რომელიც 12 რეკომენდაციის შესრულებას ეხებოდა, მათ ბოიკოტი გამოუცხადეს და ახლა ალტერნატიული კანონპროექტების შემოტანას გეგმავენ.

„ჩვენ შევთავაზეთ ოპოზიციას ერთობლივი მუშაობა, მათ შორის სამოქალაქო საზოგადოების ჩართულობით, ოპოზიციამ ამ პროცესს გამოუცხადა სრულიად გაუგებარი ბოიკოტი, ვიტყოდი ეს არის ანომალიური მოვლენა, როცა ოპოზიცია ქვეყნისთვის უმნიშვნელოვანესი საკითხების განხილვაში მონაწილეობას არ იღებს. დიდი ნაწილი სამუშაოსი უკვე მომზადებულია ხელისუფლების მხრიდან, ამ ალტერნატივების მომზადებას რა ფუნქცია აქვს, ჩემთვის სიმართლე გითხრათ, გასაგები არ არის. ეს ინიციატივები წარმოდგენილი რომ იქნება, ეს ბუნებრივია, განსახილველი იქნება. თუმცა, ამის მიზანი ერთი შეიძლება იყოს, რომ რამენაირად განხეთქილების მომტანი მიზეზი შემოიტანონ ქართულ პოლიტიკაში",- განაცხადა სარჯველაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს