სახალხო დამცველის არჩევის წესთან დაკავშირებით რეგლამენტში ცვლილებების პროექტის განხილვას საპროცედურო საკითხთა კომიტეტის სხდომაზე კამათი მოჰყვა

სახალხო დამცველის არჩევის წესთან დაკავშირებით რეგლამენტში ცვლილებების პროექტის განხილვას საპროცედურო საკითხთა და წესების კომიტეტის სხდომაზე ლევან ბეჟაშვილსა და მიხეილ სარჯველაძეს შორის კამათი მოჰყვა.

სარჯველაძემ ბეჟაშვილი „დებოშის მოწყობის მცდელობაში“ დაადანაშაულა და აღნიშნა, რომ ოპოზიციის წარმომადგენელს „ბოლის გამოშვება უნდა”. მანამდე, ლევან ბეჟაშვილი დაინტერესდა რა საკანონმდებლო რეგულაციებზე გადადის ქვეყანა სახალხო დამცველის არჩევისას.

„ძალიან კარგად მესმის, რომ ოპოზიციას მართლაც უჭირს არგუმენტები. ამიტომაც ვფიქრობ ირგვლივ ტრიალებენ რაღაცებზე“, - განაცხადა სარჯველაძემ, რასაც ბეჟაშვილის რეპლიკა მოჰყვა: „როცა ტყუილს ამბობთ, არ მოგცემთ ტყუილის თქმის უფლებას“.

გკითხეთ - როგორ საკანონმდებლო რეგულაციაზე გადავდივართ? გადავდივართ იმ საკანონმდებლო რეგულირებაზე, როდესაც კანონით სუბიექტისათვის მინიჭებულ უფლებამოსილებას წარადგინოს კონკრეტული კანდიდატი უნდა დავუწესოთ რეგულირება, უნდა შევუქმნათ საკონკურსო კომისია და ამ კომისიაში წარდგენილი კანდიდატებიდან ავარჩიოთ სახალხო დამცველი? ამ რეგულირებაზე გადავდივართ? თქვენ საუბრობთ „შორთ ლისტზე“ და რა შუაშია საერთოდ ეს „შორთ ლისტი“?“ – განაცხადა ლევან ბეჟაშვილმა.

„ეს არის დებოში! აქ დასახელებული არგუმენტები და შემდგომი რიტორიკაც ემსახურება ერთ მიზანს - მაპატიეთ ჟარგონისთვის და ეს არის „ბოლის დაყენების მცდელობა“, რომ ამ კვამლში ადამიანებმა არ შეამჩნიონ და არ დაინახონ რეალურად ჭეშმარიტება როგორია“, - განაცხადა სარჯველაძემ.

ცნობისთვის, მომავალი სახალხო დამცველის ასარჩევად პარლამენტის რეგლამენტში დროებითი წესი იწერება, რაც იმას ნიშნავს, რომ სპეციალური მუხლი რეგლამენტის გარდამავალ დებულებებს დაემატება. შესაბამისად, მმართველ გუნდში მომზადებული პროექტის გათვალისწინებით, ომბუდსმენის არჩევის დროებითი წესი იმ კანდიდატებზე გავრცელდება, რომელთა შორის ერთ-ერთს პარლამენტი სახალხო დამცველის პოსტზე 2022 წლის დეკემბერში აირჩევს.

პარლამენტის რეგლამენტის დროებითი წესის მიხედვით კი, პარლამენტის თავმჯდომარე ბრძანებას გამოსცემს და სახალხო დამცველის თანამდებობაზე კანდიდატურები კანონმდებლებს სწორედ იმ წესით წარედგინება, რასაც თავის მხრივ თავმჯდომარე საკუთარი ბრძანებით დაადგენს. პარლამენტის თავმჯდომარის ბრძანების შესაბამისად, წარდგენამდე კანდიდატურები სამოქალაქო საზოგადოების - მათ შორის პროფესიული და აკადემიური წრეების წარმომადგენლების მიერ შეფასდებიან.

პარლამენტის რეგლამენტის გარდამავალი დებულებებით გათვალისწინებული იქნება კანდიდატის შეფასების ზოგადი კრიტერიუმები, რაც თავის მხრივ დამოუკიდებლობას, მიუკერძოებლობას, კეთილსინდისიერებას, მაღალ რეპუტაციას, სათანადო პროფესიულ ცოდნას და ადამიანის უფლებებისა და ფუნდამენტური თავისუფლებების სფეროში პრაქტიკული გამოცდილების ქონას გულისხმობს.

აღსანიშნავია ისიც, რომ “ქართული ოცნება“ მზაობას გამოთქვამს მხარი დაუჭიროს პოლიტიკური ჯგუფის “მოქალაქეების“ საკანონმდებლო ინიციატივას, რომლის მიხედვით, პარლამენტი სახალხო დამცველს ღია კენჭისყრით აირჩევს. პარლამენტის რეგლამენტის მოქმედი ძირითადი ნორმა ომბუდსმენის არჩევის შემდეგ წესს ითვალისწინებს: სახალხო დამცველის თანამდებობაზე ასარჩევად კანდიდატურებს პარლამენტს ფრაქცია ან უფრაქციო პარლამენტის წევრთა არანაკლებ 7-კაციანი ჯგუფი წარუდგენს.

პარლამენტი სახალხო დამცველს სრული შემადგენლობის სამი მეხუთედის უმრავლესობით (90 ხმა) ირჩევს. კენჭისყრა ფარულია.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო