დავით უსუფაშვილი -„ოცნებამ” დაიჟინა და საკონსტიტუციო ცვლილებებს პირველი მოსმენის წინ პროკურორის პუნქტი მოაჭრა - ახლა ახალ კონტექსტში 12 პუნქტთან დაკავშირებულ საკითხებში შემოიტანა ტექსტი, რომელსაც შარშან გამალებული ებრძოდა

„ქართულმა ოცნებამ” დაიჟინა და საკონსტიტუციო ცვლილებებს პირველი მოსმენის წინ პროკურორის პუნქტი მოაჭრა- ახლა უკვე ახალ კონტექსტში 12 პუნქტთან დაკავშირებულ საკითხებში შემოიტანა ტექსტი, რომელსაც შარშან გამალებული ებრძოდა - გნებავთ ვიცინოთ, გნებავთ ვიტიროთ,- ამის შესახებ “ლელოს” ერთ-ერთმა ლიდერმა დავით უსუფაშვილმა ჟურნალისტებს განუცხადა.

მისი თქმით, პროკურორის არჩევის წესზე ინიციატივა "ქართული ოცნების" არაა და ეს იმ ტექსტის ნაწილია, რომელზეც საპარლამენტო უმრავლესობა და უმცირესობა გასულ წელს შეთანხმდა.

“პროკურორთან დაკავშირებით “ოცნების” ინიციატივა სულაც არაა “ოცნების” ინიციატივა. ეს მძიმე და წერტილით ზუსტად ის ტექსტია, რომელსაც შარშან ზაფხულში პარლამენტში მყოფმა უმრავლესობამ და უმცირესობამ მოვაწერეთ ხელი და გავაკეთეთ ინიცირება საკონსტიტუციო ცვლილებების, რომელშიც ორი საკითხი იყო - არჩევნების თემა და პროკურორის არჩევის წესი. ამიტომ რაც შიგნით წერია, მათ შორის 3/5-ის საკითხი, იყო კომპრომისის შედეგი, რომელსაც შარშან ზაფხულში შარლ მიშელის შეთანხმების ფარგლებში მივაღწიეთ. შემდეგ “ქართულმა ოცნებამ” დაიჟინა და პირველი მოსმენის წინ პროკურორის პუნქტი მოაჭრა ცვლილებებს. ჩვენ ვუთხარით - კარგი, მხარს ვუჭერთ მაინც დარჩენილს და გავაგრძელოთ მიღება. ახლა პირველი მოსმენით მიღებული ტექსტი პროპორციულ არჩევნებზე, გაიჭედა და “ოცნება” ცოცხალი თავით აღარ აყენებს კენჭისყრაზე, ახლა უკვე ახალ კონტექსტში 12 პუნქტთან დაკავშირებულ საკითხებში შემოიტანა ტექსტი, რომელსაც შარშან გამალებული ებრძოდა და ამბობდა - ინიცირება გავაკეთეთ, მაგრამ განხილვაზე პედაგოგებმა დასვეს საკითხი, რამდენად მოერგება პროკურატურასო - აქ გნებავთ ვიცინოთ, გნებავთ ვიტიროთ.

ახლა რა რეალობა გვაქვს - პარლამენტში შემოტანილია ერთი შარშანდელი ტექსტის პირველი ნაწილი, პირველი მოსმენით მიღებული და მეორე - შარშან რომ “ოცნებამ” ბოლო ნაწილი მოაჭრა, ის ახლა ხელახლა ინიცირებულია. პირველი ნაწილი ერთი მოსმენით მიღებულია, ხოლო იმას, რაც თავიდან გააცოცხლეს, ხელმოწერები, სახალხო განხილვა და პარლამენტში მოტანა სჭირდება. ტრაგიკომედია გვერდზე გადავდოთ, როგორ შეიძლება მხარი არ დავუჭიროთ იმ ტექსტს, რომელიც ერთად დავწერეთ და ვთვლით, რომ წინგადადგმული ნაბიჯია პროკურორის შერჩევის წესში. შეიძლებოდა უკეთესი ყოფილიყო, მაგრამ ამაზე უკვე შევთანხმდით. რაც შეეხება პირველ ტექსტს, რომელიც ერთი მოსმენითაა მიღებული, ვამბობთ, რომ ეს ორი ცვლილება შევაერთოთ როგორც თავიდან იყო განსაზღვრული, ანუ პარალელურ რეჟიმში განვიხილოთ და ვუყაროთ კენჭი”,- განაცხადა დავით უსუფაშვილმა.

ცნობისთვის, საშემოდგომო სესიაზე მმართველი გუნდი საკონსტიტუციო ცვლილებების მიღების ინიციატივით გამოდის და პარლამენტს გენერალური პროკურორის 90-ხმიანი კვორუმით არჩევას სთავაზობს.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა