პარლამენტის თავმჯდომარე - ელენე ხოშტარია და ხატია დეკანოიძე ყოველდღე აგენერირებენ დეზინფორმაციას საკუთარი ქვეყნის წინააღმდეგ - როგორც  ხოშტარიას ყოველი ბრიფინგი მარცხდება, ისე დამარცხდება ნებისმიერი ტყუილი

პარლამენტის თავმჯდომარის, შალვა პაპუაშვილის განცხადებით, „ნაციონალური მოძრაობის“ ერთ-ერთი ლიდერი ხატია დეკანოიძე და პარტია „დროას“ თავმჯდომარე, ელენე ხოშტარია საქართველოს წინააღმდეგ მუშაობენ.

როგორც მან „პალიტრანიუსის“ გადაცემაში „თავისუფალი სტუდია“ განაცხადა, ხატია დეკანოიძე და ელენე ხოშტარია საქართველოს შესახებ ყალბი აღქმის შექმნის სახეს წარმოადგენენ, რადგან მუდმივად დეზინფორმაციას ავრცელებენ.

„ეს სქემა როგორ მუშაობს. მგონი, ამას დიდი ანალიზი არ სჭირდება. „ნაციონალურმა მოძრაობამ, ხატია დეკანოიძემ და ელენე ხოშტარიამ თავად აღიარეს, რომ ისინი არიან საქართველოს მხრიდან პოლიტიკოსები, რომლებიც საქართველოს წინააღმდეგ მუშაობენ. რაღაც ინფორმაციულ კოლაჟებს აკეთებენ და მათ პარტნიორებთან, მათ შორის უკრაინაში, გაცვლა-გამოცვლა აქვთ“, -განაცხადა პაპუაშვილმა.

მისი შეფასებით, დღეს პარტია „დროას“ ლიდერის, ელენე ხოშტარიას მიერ საქართველოს საჰაერო ცის უკანონო გამოყენების შესახებ ინფორმაცია დეზინფორმაციაა.

„დღეს მოვისმინეთ ელენე ხოშტარიას კიდევ ერთი ცრუ განცხადება. რაც მთავარია, ხომ დადასტურდა, რომ ყველა ეს განცხადება ტყუილია. სანქციების გვერდის ავლა, თითქოს აქ რაღაცები ხდება, რამდენიმე წუთი სჭირდება იმის დადასტურებას, რომ ეს ყველაფერი არის ყალბი. ეს ადამიანები, რომლებიც არიან საქართველოს ყალბი აღქმის შექმნის სახე, ელენე ხოშტარიას „დროას“ და „ნაციონალურ მოძრაობას“ ვგულისხმობ, ყოველდღე აგენერირებენ დეზინფორმაციას საკუთარი ქვეყნის წინააღმდეგ, შემდეგ ეს დეზინფორმაცია, როგორც საინფორმაციო კოლაჟი, ერთი მხრივ, რეპუტაციულად ურტყამს ჩვენს ქვეყანას, მეორე მხრივ, ჩვენ გვიწევს განმარტების გაკეთება. არავითარი განმარტების გაკეთებას არ ვაპირებთ დაბრალებასთან დაკავშირებით... ჩვენ ვხედავთ პირდაპირ დარტყმას იმისთვის, რომ ეს ურთიერთობები გაფუჭდეს“,-განაცხადა პაპუაშვილმა.

როგორც მან აღნიშნა, მსგავსი სახის დეზინფორმაციის გავრცელება საქართველოსა და უკრაინის ურთიერთობებზე არ აისახება.

„არ მინდა სახელებისა და გვარების დასახელება, მაგრამ ადამიანს, რომელიც „თავისუფლება მიშას“ მაისურით მიმართავდა ქართველ მხარდამჭერებს, არ მგონია, რომ მას რაიმე ნდობის მანდატი ჰქონდეს ვინმეს მხრიდან. ეს არის სამწუხარო რეალობა, რაც გვაქვს. მთავარი არის ერთი რამ, ვერავინ, ვერც აქ და ვერც ვერსად ვერ ამბობს, არის თუ არა რამე საკითხი, რაც საქართველოს ხელისუფლებას შეეძლო გაეკეთებინა და არ გააკეთა, პირიქით, ხელი დაადეთ ნატო-ს წევრ ნებისმიერ ქვეყანას, გერმანია იქნება თუ სხვა ქვეყანა, მათი სოლიდარობა და ჩვენი სოლიდარობა შეადარეთ იმ უსაფრთხოების რისკებიდან გამომდინარე, რაც ამ ქვეყნებს აქვთ. ყველა დარწმუნდება, რომ საქართველო თავისი რისკებიდან გამომდინარე ისე, რომ არავითარი უსაფრთხოების გარანტიები არ აქვს, ამ კუთხით აბსოლუტურ მაქსიმუმს აკეთებს“, - განაცხადა პაპუაშვილმა. წამყვანის კითხვაზე, მოელის თუ არა ის სანქციებს, პაპუაშვილმა უპასუხა, რომ მისი მოლოდინით, „სიმართლე ყოველთვის იმარჯვებს“.

„როგორც ელენე ხოშტარიას ყოველი ბრიფინგი მარცხდება ერთ დღეში, სადაც არის ტყუილი, ისე დამარცხდება ნებისმიერი ტყუილი, დეზინფორმაცია და სიმართლე ყოველთვის გაიმარჯვებს. ეს არის ის, რატომაც ქართველი ხალხი მხარს გვიჭერს და ისინი ერთმანეთისგან სინათლეს და სიბნელეს, სიმართლეს და ტყუილს არჩევენ“, - განაცხადა პაპუაშვილმა.

ცნობისთვის, პარტია „დროას" ლიდერის, ელენე ხოშტარიას განცხადებით, 4 სექტემბერს, ირანის ერთ-ერთი აეროდრომიდან აფრინდა თვითმფრინავი, რომელიც საქართველოს ტერიტორიის გავლით მოსკოვში გაფრინდა.

როგორც ხოშტარიამ ბრიფინგზე განაცხადა, "ირან ეარი“, რომელსაც ეს თვითმფრინავი ეკუთვნის, არის ამერიკის მიერ სანქცირებული ავიაკომპანია.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს