პარლამენტის თავმჯდომარე, შალვა პაპუაშვილი ბრიტანეთის სამეფო ოჯახს და გაერთიანებული სამეფოს ხალხს დედოფალ ელისაბედ II-ის გარდაცვალების გამო სამძიმარს უცხადებს.

„გულწრფელ სამძიმარს ვუცხადებ სამეფო ოჯახს და გაერთიანებული სამეფოს ხალხს მისი უდიდებულესობის, დედოფალ ელისაბედ II-ის გარდაცვალების გამო. განსაკუთრებულ პიროვნულ მახასიათებლებთან ერთად, იგი იყო მონარქი, რომელიც ისტორიას 70-ზე მეტი წლის განმავლობაში აყალიბებდა. მის მიერ დატოვებული მემკვიდრეობა კიდევ მრავალ ათწლეულს განსაზღვრავს“,- წერს პაპუაშვილი „ტვიტერზე“.