სპეციალისტები მოსახლეობას აფრთხილებენ, რომ შემოდგომის პერიოდში  სეზონური ვირუსები გააქტიურდება, რომელთა ნაწილი ბავშვებსა და ხანდაზმულ პაციენტებში ფილტვის ანთებით შეიძლება გართულდეს

ინფექციონისტ მაია ბუწაშვილის ინფორმაციით, კორონავირუსთან ერთად შემოდგომით სეზონური ვირუსებიც გააქტიურდება, მათ შორის, ე.წ. რესპირატორულ-სინციტიური ვირუსი, რომელიც ხშირად ფილტვის ანთების გართულებას განაპირობებს.

როგორც მან „ინტერპრესნიუსთან“ საუბრისას აღნიშნა, გრიპის ვირუსის გარდა, ქვეყანაში გააქტიურდება ადენოვირუსი და რინოვირუსიც.

მან სეზონური ვირუსების სიმპტომებზეც ისაუბრა და აღნიშნა, რომ მათ ახასიათებთ საერთო სისუსტე, ცხელება, ხველა, თავის ტკივილი, დიარეა ან ღებინება. მისივე თქმით, ამ დროს ოქროს წესს წარმოადგენს სითხეებით დატვირთვა და სიმპტომური მკურნალობა.

ამასთან, როგორც მან აღნიშნა, კვლავ არის მოსალოდნელი კორონავირუსის და სეზონური გრიპის თანხვედრა, გრიპის საწინააღმდეგო ვაქცინაცია კი ოქტომბრიდან დაიწყება.

„ალბათ, უნდა ვივარაუდოთ, რომ კიდევ გვექნება კორონავირუსის ინფექციის შემთხვევების აღმავლობა, შემდეგ კი ამას სეზონური გრიპის ვირუსი დაერთვება. მოსალოდნელია კორონავირუსის და სეზონური გრიპის თანხვედრაც. ამასთან, პარალელურად უამრავი ვირუსია, რომელიც შემოდგომით მუდმივად ცირკულირებს, ეს არის სურდოს გამომწვევი რინოვირუსები, ენტეროვირუსები და ასე შემდეგ. როგორც სეზონური გრიპის ვირუსი, ასევე კორონავირუსი დიდ პრობლემად რჩება. საუკეთესო საშუალება არის ვაქცინაცია. ჩვენს მოქალაქეებს შევახსენებ გრიპზე ვაქცინაციის აუცილებლობას, რომელიც ოქტომბრიდან იწყება.

შემოდგომის პერიოდში აქტიურდება სეზონური გრიპის ვირუსი, ადენოვირუსი, რინოვირუსი, ე.წ. რესპირატორულ-სინციტიური ვირუსი, რომელიც ბავშვებსა და ხანდაზმულ პაციენტებში ხშირად რთულდება ფილტვის ანთებით.

ამასთან, არსებობს დიაგნოსტიკის არაერთი შესაძლებლობა, რომლითაც შესაძლებელია ამ ვირუსების ერთმანეთისგან გარჩევა, თუმცა, როგორც წესი, ვირუსულ ინფექციებს ერთნაირი მიდგომა აქვს, ეს არის იზოლაცია, სითხეებით დატვირთვა და სიმპტომური მკურნალობა“,- აღნიშნავს მაია ბუწაშვილი.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა