მნიშვნელოვანია, ვაჩვენოთ ერთსულოვნება და თანხმობა - მოველი, რომ გადაწყვეტილების მესამე მოსმენით მიღების დროს ამ პასუხისმგებლობით იმოქმედებთ და პროექტს მხარს დაუჭერთ, - აღნიშნული განცხადება ოპოზიციის მისამართით პარლამენტის თავმჯდომარემ შალვა პაპუაშვილმა სახალხო დამცველის ახალ წესთან დაკავშირებულ პროექტზე გააკეთა.
როგორც პაპუაშვილმა პლენარულ სხდომაზე განმარტა, კანონპროექტის მესამე მოსმენით მიღების შემდეგ დაიწყება პროცედურები - შესარჩევი იქნება შემფასებელთა 9-ჯაციანი ჯგუფი.
“ამასთან დაკავშირებით ყველა პოლიტიკურ ჯგუფთან კონსულტაციებს გავივლი. ამიტომ მნიშველოვანია კონსტრუქციული თანამშრომლობა. მინდა განსაკუთრებით იმ ოპოზიციის გასაგონად ვთქვა, ვინც გუშინ კანონის პროექტს მხარი არ დაუჭირა - იმის მიუხედავად პროექტს დაუჭერთ თუ არა მხარს, პარლამენტის თავმჯომარის ბრძანებას მე მაინც გაჩვენებთ და თქვენს მოსაზრებებს მოვისმენ. ამიტომ მე თქვენგანაც მოველი, რომ გადაწყვეტილების მესამე მოსმენით მიღების დროს ამ პასუხისმგებლობით იმოქმედეთ და პროექტს მხარს დაუჭერთ“, - განაცხადა შალვა პაპუაშვილმა პარლამენტის პლენარულ სხდომაზე.