გრიგოლ ლილუაშვილის განცხადებით, სუს-ის 2021 წლის საქმიანობის ანგარიშის წარდგენისას ოპოზიციის ნაწილმა შეკითხვები დასვა, თუმცა პასუხს არ დაელოდა

სახელმწიფო უსაფრთხოების სამსახურის ხელმძღვანელის, გრიგოლ ლილუაშვილის განცხადებით, პარლამენტში სუს-ის 2021 წლის საქმიანობის ანგარიშის წარდგენისას ოპოზიციის ნაწილმა შეკითხვები დასვა, თუმცა პასუხს არ დაელოდა. როგორც მან პარლამენტში ანგარიშის წარდგენის შემდეგ ჟურნალისტებს განუცხადა, ვინც შეკითხვა დასვა, ამომწურავი პასუხი მიიღო და დაუკმაყოფილებლობის გრძნობა არ გასჩენიათ.

„ოპოზიციის ქმედება იგივე იყო, რაც წინა, იმის წინა წელს და ა.შ, თუმცა, ტრადიციულად, როგორც საქართველოში, ისე ნებისმიერ განვითარებულ ქვეყანაში, ალბათ, განუვითარებელშიც ( ჩვენ განვითარებული სამყაროს ნაწილი ვართ), უსაფრთხოების და უშიშროების საკითხების მოსმენა როცა ხდება საკანონმდებლო ორგანოში, ყოველთვის დახურულ რეჟიმში მიმდინარეობს. ოპოზიციის ნაწილმა დასვა შეკითხვები და პასუხებს აღარ დაელოდა, თუმცა, ინტერესის მქონე ნაწილი, ოღონდ ძალიან მცირე, რამდენიმე ადამიანი დარჩა. მოისმინეს თავიანთ დასმულ შეკითხვებზე პასუხები, ასევე სხვა კოლეგების შეკითხვებზე გაცემული პასუხებიც, რაც ჩემი მხრიდან ამომწურავი იყო. მათ დაუკმაყოფილებლობის გრძნობა არ გასჩენიათ, ყოველ შემთხვევაში, ვინც სცადა, რომ ინფორმაცია მიეღო, სრულყოფილად წაიღო",- განაცხადა ლილუაშვილმა.

როგორც ლილუაშვილმა ჟურნალისტებს განუცხადა, მას სუს-ის ანგარიშის წარდგენისას ისეთი შთაბეჭდილება დარჩა, რომ ოპოზიციის ნაწილს მხოლოდ ელექტორატზე გათვლილი სცენების დადგმა სურდა.

„დეპუტატებმა კარგად გაანალიზეს, ვისაც ნამდვილად უნდოდა სიღრმისეული პასუხების ჩემგან მოსმენა, დახურულ რეჟიმში ამას უფრო შეძლებდნენ, ვიდრე ღია. მე არ შემიძლია ღია რეჟიმში ვისაუბრო ისეთ ნიუანსებზე, რაზეც საშუალება მაქვს დახურულ რეჟიმში ვისაუბრო. ვისაც საქმე, დისკუსია, ნამდვილი ამბის გაგება აინტერესებდა, მათ სრულყოფილად მიიღეს ინფორმაცია. ვისაც აინტერესებდათ თავიანთი შეკითხვების ნაწილში პერფორმანსების დადგმა და შემდეგ ამით სეირის მოწყობა, რა თქმა უნდა, ზოგმა დასვა და სხდომა მაშინვე დატოვა. ვერ წარმომიდგენია დეპუტატს, მიუხედავად მისი პოლიტიკური შეხედულებისა, თუ პარტიული კუთვნილებისა, არ აინტერესებდეს ისეთ შეკითხვებზე პასუხები ქვეყნის უსაფრთხოების სამსახურის პირველი პირისგან, რომელიც წელიწადში ერთხელ ხდება ამ ფორმატით, როგორიც არის ოკუპაცია, „ჰიბრიდული ომი“, კიბერუსაფრთხოება, რეგიონში არსებული გამოწვევები. ამით მათ კიდევ ერთხელ დაადასტურეს, რომ მათ არ აინტერესებთ შინაარსობრივი განხილვა მიმდინარე საკითხებზე, აინტერესებთ მხოლოდ ელექტორატზე გათვლილი სცენების დადგმა. მე ასეთი შთაბეჭდილება დამრჩა და მრჩება ყოველ წელიწადს, როცა აქ ანგარიშით გამოვდივარ“,-განაცხადა ლილუაშვილმა.

რაც შეეხება საზოგადოების ინტერესს, ლილუაშვილის თქმით, საზოგადოების ინტერესი არის ბევრ საკითხზე, მათ შორის რუსი ტურისტების შემოდინებაზე, ჰიბრიდული ომის მეთოდებზე, კიბერუსაფრთხოების საკითხებზე.

"ჩვენ ყოველთვის ღია ვართ ნებისმიერი შეკითხვისთვის. ამას ჩვენ ვახორციელებთ როგორც წერილობითი სახით, როდესაც არის მომართვიანობა, მათ შორის უბრალო მოქალაქის მხრიდანაც კი. თუკი ინფორმაცია დასაშვებია და არ დააზიანებს სამსახურის, ქვეყნის ინტერესს, ჩვენ ამას სიამოვნებით ვაკეთებთ. არ მგონია, რომ რამე საკითხი პასუხგაუცემელი დარჩა, რომელიც შეიძლება საზოგადოებას ძალიან აინტერესებდეს“,- განაცხადა ლილუაშვილმა.

როგორც მან აღნიშნა, სხდომები რეგლამენტის მიხედვით არ არის დახურული, დაიხუროს თუ არა სხდომა, ამას ფარულ კენჭისყრაზე დეპუტატთა უმრავლესობა წყვეტს.

„მეორე ნაწილი, რომელიც კითხვა-პასუხის რეჟიმს მოიცავდა, ფარული კენჭისყრის შედეგად მიღებული ხმების რაოდენობით დაიხურა. ასე ხდება ყველა ნორმალურ ქვეყანაში. როგორც დასმული შეკითხვა, ისე მასზე გაცემული პასუხი რიგ შემთხვევებში შეიცავს ისეთ ინფორმაციას, რომელიც არ არის სასურველი, დედამიწის ზურგზე მტერმა თუ არამტერმა მოისმინოს და გაიგოს“, - განაცხადა ლილუაშვილმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე