პატრიცია დელონის პოეტური კრებულის „და ესეც გაივლის“ პრეზენტაცია და ნახატების გამოფენა გაიმართა

თბილისის ზღვაზე მდებარე კომპლექს „საქართველოს მატიანეს“ ტერიტორიაზე პატრიცია დელონის პოეტური კრებულის „და ესეც გაივლის“ პრეზენტაცია და ნახატების გამოფენა გაიმართა.

ახალი პოეტური კრებულიდან ლექსები მოწვეულ სტუმრებს ავტორის გარდა, ელდინო საღარაძემ, მანანა ლეგაშვილმა და იოანე ქართველმა წაუკითხეს. პრეზენტაციაზე წარმოდგენილი ლექსების თემატიკა ქართულ-ებრაულ მეგობრობას, საქართველოს და თბილისის სიყვარულს ეხებოდა.

შემოქმედებითი საღამო მუსიკალურად თემურ ყვითელაშვილმა გააფორმა. ღონისძიებაზე პრემიერაც შედგა. ნათია ქოროღლიშვილმა პატრიცია დელონის მიერ დაწერილ ლექსსა და მელოდიაზე შექმნილი სიმღერა შეასრულა. გარდა ამისა, შემოქმედებით საღამოზე მიწვეულმა სტუმრებმა თეატრალიზებული კოსტუმირებული სანახაობა, სიმღერა, ქართული ქორეოგრაფია და ნახატების გამოფენა იხილეს.

საღამოს ცნობილი ხელოვანები, კულტურისა და განათლების სამინისტროს, თბილისის მერიისა და საკრებულოს წარმომადგენლები დაესწრნენ. ღონისძიება საქველმოქმედო იყო და შემოსული თანხას ხობის რაიონის სოფელ თორსაში ასიათასი მოწამის სახელობის ეკლესიის მშენებლობის დასრულებისა და ებრაელთა სასაფლაოს კეთილმოწყობისთვის გამოიყენებენ. აღნიშნულ ღონისძიებაზე დასასწრებად ისრაელიდან და იტალიიდან საპატიო სტუმრები ჩამოვიდნენ.

პატრიცია დელონი წლების წინ შვილთან ერთად ისრაელიდან საქართველოში დაბრუნდა. ის ათ ენაზე საუბრობს და ლექსებსაც რამდენიმე ენაზე წერს. აღნიშნული პოეტური კრებული რიგით მეექვსეა. დელონის შემოქმედებაზე არაერთი რეცენზიაა დაწერილი ლიტერატორებისა და კრიტიკოსების მიერ, რომლებიც დადებითად აფასებენ მის პოეზიას. რაც შეეხება ნახატებს, პატრიცია დელონს ორ ჯგუფურ გამოფენაში აქვს მონაწილეობა მიღებული და ორი პერსონალური გამოფენა აქვს მოწყობილი.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო